媽媽畢業啦！

媽媽的碩士課程讀完了！

當年報名時，未有小貝仔，又無"聲氣"，諗住讀書啦，點知交了學費先發現有咗！唯有延期一年入學；不過小貝仔出世後才開始返學，一樣咁辛苦！

這兩年，身兼四職：學生、工作、初為人母、仲要做奶媽！睇番轉頭，都唔知自己點過嘅！爸爸話服咗我！不過，課程是自己喜歡的，小貝仔又唔難湊，爸爸工作又穩定，我公司又易請假......總之樣樣野夾埋就成就了這件浩瀚工程！

媽媽返學的晚上，爸爸同小貝仔都會開車出去車站接媽媽回家；小貝仔現在行經這些地點，仍然記得是等媽媽的地方呢！

媽媽讀完書，接著下來就是小貝仔讀書了！九月，到小貝仔返學。

小貝仔，讀書開開心心就得架喇！