灰...

****************************
29/12/2008

死亡路段無警示牌 私家車被撞至變形
海豐車禍港商妻仍危殆
 
【兩岸組記者海豐報道】廣東海豐上星期五（二十六日）發生的港人兩死一傷車禍，女傷者仍然在當地醫院留醫且未脫離危險期。至於女死者的遺體昨日已經在當地火化，骨灰亦由家人帶回港，男死者的遺體則因涉事泥頭車司機至今仍在逃，當局在未釐清責任前，拒絕將遺體交家人處理，而家人希望將男死者遺體在當地土葬，讓其得以落葉歸根。
肇事泥頭車輪胎飛脫
肇事的私家車及泥頭車目前被扣在可塘交警中隊扣車場。現場所見，私家車車頭被撞至變形，零件外露，司機位被撞扁，座位上留有血漬，而泥頭車車頭亦嚴重損毀，車輪飛脫，顯示當時撞擊力極大。

車禍現場為三二四國道赤坑三六九路段，距離海豐縣城約二十公里。現場地下留有清晰的煞車痕及血漬，死傷者的鞋、帽及汽車零件等物件隨處可見。當地居民形容車禍地點是一個死亡路段，由於位處轉角位，路面狹窄，當局又未豎立減速警示牌，引致車禍頻生。

女死者遺體已火化
女港人死者黃美娥的遺體昨已火化，骨灰由家人帶回港。男死者林政中的哥哥稱，因肇事泥頭車司機仍未歸案，交警在未釐清責任前，拒將弟弟遺體交回家人。林表示，家人盼將弟弟遺體在當地土葬，讓其得以落葉歸根。

至於林政中的妻子黃美蓮則仍在當地醫院深切治療部留醫，傷勢略為好轉，但仍未脫離危險期。家人表示，待她傷勢穩定後，會盡快送返本港醫治。駐粵辦總入境事務主任朱國光表示，正全力協助死傷者家屬處理後事。

林政中八十歲的老父林洪亦已往海豐處理後事。他形容兒子是「叻仔」，於八○年來港後在港讀大學，畢業後開設絲花廠，其在海豐開設創高藝術品公司。因兒子在海豐有工業投資，事發後當地市縣領導人亦有往醫院探望。
 
****************************

女死者 – 林太o既妹妹...認識..不過唔係太熟..記得以前每次上去佢o地公司..佢都會同我打招呼..然後問我飲o的乜o野...好友善..無架子..好可惜...好難過....

男死者 - 林生.. 較熟..雖然唔係成日見面..但每次一有機會見面 (多數o向會展)..都一定有大把話題傾..最記得o既係..林生成日叫我跟佢上去海豐食海鮮...傷心...好傷心....

女入者 - 林太... 較熟..見面較多..每次上去佢o地公司..佢都好客氣..無架子..滿面笑容..訂單如何麻煩也好..佢都會笑住咁對我...唔簡單....有兩個小朋友..成日都同我講佢兩個小朋友o既o野...相信佢一定..一定..一定係一個好媽媽..一個好太太.....

好傷心...岩岩知道...原來林太o向意外後..一直都昏迷....無醒過...

我好自私咁唸...對於林太黎講...一直昏迷落去..會唔會係一件好事呢??..如果醒番..比佢知道..林生同佢妹妹都離開o左o既話...我怕佢未必接受到....那...那...那倒不如..跟他們一同去吧...
...

又想...如果...我係林太o既兩個仔仔...我..會唔會又好想媽媽 (林太) 快o的醒番呢???.. 會...

又想...如果..如果我係林太o既爸爸媽媽同兄弟姊妹..我..會唔會又好想自己個女 / 家姐 / 妹妹快o的醒番呢??... 會...

....

咁...即係...醒番對佢好o的..定還是係一直昏迷落去好o的呢???....

我始終覺得...如果我係林太...我會想一直長眠...一直長眠.....我想唔去面對o的咁可怕o既事實...

..............................

仲未知有乜o野我可以幫到手.............
..................

我無任何宗教..亦唔信任何神神佛佛...不過..我每日都好希望...佢o地一家人... 可以堅強地去面對呢件事....我亦都好希望..我可以幫佢o地做少少o野..
..

...好難過....

我好討厭今年o既聖誕....實在太多..太多壞消息.....

.............................