薑汁撞奶

今日天氣唔多好..無得出街.. 事實上..即使天氣好..都唔知去邊啦..

留o左o向屋企..睇吓電視..上吓網咁..突然間唸起..尋晚睇電視..蘇施黃教整薑汁撞奶..其實我o地都已經識整..不過見佢教到..又睇吓有咩分別..

分別唔多大..都係大同小異..唯一唔同就係..佢教人要先蒸熱兩隻吉碗待用..而我o地就一向都無做呢個步驟..唔緊要..唔係難..又試試先..

落去買o左盒奶..記得..唔係隻隻奶都可以整到薑汁撞奶嫁..真係有心整..就去買"維記"o個隻高鈣低B (低脂) 奶啦.. 見下圖..

第一樣要做o既..就係磨薑蓉..攞o的薑汁出黎..

薑汁..我最鍾意..

同時..蒸熱o的碗..放o向樹待用..

跟住就開始煲奶..小心滾瀉..

煲到咁上下就落糖..我鍾意少甜多薑..所以就只係落少少糖..但係就多多薑汁..因人而異啦..

當o的奶煲滾o左之後..就開始一個最重要o既步驟啦..千其唔好問我點解要做呢個步驟..我只係知道..唔做呢個步驟o既話..就一定做唔到薑汁撞奶..

將o的奶..倒黎倒去.. (類似係要加o的空氣入去)..見下圖..由個煲倒落個量杯..再由個量杯倒番去個煲樹..如此類推..來回做十次左右..

跟住就即刻將o的奶倒入去已經有薑汁o既碗入面..

倒o左奶入去隻碗樹之後..就唔好再郁佢..大約三至五分鐘左右..就成為一碗美味o既薑汁撞奶..

好味道...又成功..

不過..我始終唔知道..點解要 :

1. 蒸熱o的碗..
2. 將o的滾o左o既奶倒黎倒去..

點都好啦..照我以上o既步驟..如無意外..就可以做到美味o既薑汁撞奶..如果有咩問題..就不妨提出..