一於唔好蝕抵..

原來一連三個月..所有康體署o既活動都免費..其中一樣就係游水..

由依家至九月三十號..去任何一個康體署o既泳池游水..都係免費o既..

唔駛錢..自然多人去嫁啦..我都唔例外..再者..我都想做吓運動..

今朝.神咁早五點十個字就起身..搭車去大環山泳池游水..

去o左搭 5D.. 一架我完全未搭過o既巴士..

六點八上車..七點落車..去到泳池七點一個字..

唔知係唔係唔駛錢o既關係..好多人.. 不過我真係好耐無去泳池游水啦..以前o向九龍公園做救生員..日日對住個泳池..完全無游水o既意欲..

落到水..已經七點二三..都係o個句..好多人..見到咁多人..都唔係咁想游..

游o左唔係太多..八個來回..已經想死..果然真係老o左..以前連續游廿個來回都無問題..家陣就..唉...

游完都已經八點一..去沖埋涼..換埋衫..都已經八點半..再慢慢行番公司..

大環山泳池..並唔係一個太好o既泳池..原因係..佢一邊對住海逸酒店..一邊對住黃埔花園..一邊對住海逸豪園..最後一邊就對住個海..海逸豪園同黃埔花園..都屬於高尚住宅..真係好容易令人心理唔平衡..尤其係海逸豪園..真係靚到嘔..

好羨慕..真係好羨慕o的有錢人..可以住呢o的地方..

游完水..由海逸豪園o個邊行返公司..見到海逸豪園o的人..尤其係o的女人..真係唔駛做..一o的就去 club house 做 gym..一o的就帶埋個bb落黎公園散步..你個肺..真係完全唔駛做..我又係女人.. 佢o地又係女人..真係唔公平!!!

其實我真係唔係太鍾意去泳池游水..我覺得o的泳池水好污漕..再者..今日我同隻手掂一掂個池邊..竟然比我掂到o的"啖"..真係好嘔心..好討厭...

唔好比我發達..如果比我發o左達..我一定要住靚屋..同埋要有一個私人泳池比自己..唔比其他人游...

海逸酒店

海逸豪園

黃埔花園

大環山公園..o向泳池隔離..好靚..下次如果有時間就入去行吓先..