海洋公園十月全城哈囉喂 (1/5)

搞笑..三十歲人有多..家陣先黎學人去"十月全城哈囉喂"..

前陣子..朋友問去唔去海洋公園o個個哈囉喂...聽落覺得都可以去吓..順便當作返去海洋公園行吓..睇吓識o既人仲o向唔o向樹做都好...

但當我知道張飛要成五舊水o既時候..我即刻想"縮沙"..心唸..太貴啦..一個五舊..兩個就即係成千蚊..嘩..太貴啦..太貴啦.. (事關五舊水呢張係所謂o既 "fast pass".. 唔需要點排隊就可以入到o的鬼屋..再加上..揀星期六去又會貴o的..)

最後..唉..是但啦..一千就一千啦..就應承o左...

買o左十月四號 (星期六) o既飛... 去之前..都好擔心天氣會唔多好..好驚會落水雨.. (事關又掛緊一號風球..天文台又講到會橫風橫雨..)

問題係..都唔擔心得咁多嫁啦..買o左飛..就緊係一定要去啦...

兩點幾出門口..落樓下食o左個下午茶..跟住就搭車去金鐘.. 搵埋兩個朋友一齊o向海洋公園出發...

準時四點半到達金鐘.. 見到兩個朋友仔 (希欽同佢女朋友 Iris) ..就一齊搭 629 o向大樹灣出發!!!

去到見到好多人..不過好彩..都唔駛點等就可以入到場..準時五點鐘入到場..就開始入鬼屋..同o的鬼影相..同埋玩o左少少機動遊戲...

其實尋日個天氣真係好好..好到不得了....又無雨..又有風..最緊要真係無雨..如果落雨..都會幾慘...

雖然有風..不過都玩到好熱..個身...不斷由濕變乾...乾又再濕..濕又變番乾..乾o左之後又再濕..總之就係又乾又濕又乾又濕又乾又濕又乾又濕又乾又濕又乾又濕啦...

同埋非法十分之口乾o羅..出發前..已經有朋友愛心提示我..入面o的o野飲好貴..最好就自己帶o野去飲 (朋友仲叫我帶o的o野飲入去賣添..白痴!!)..問題係..去玩嘛..又點可以拎住咁多o野呢..不過我本身都有個習慣..就係出街o既時候..個袋入面盡量都會有一支半支水..今次都唔例外..之但係..都無用..因為實在太熱同太口喝..最後都係要o向入面買o野飲... 成 15 蚊一罐o野飲.. 20 蚊一支 500ml 汽水.. 係唔係傻嫁?? 咁 Q 貴o既..不過即使點貴..都一定要買..因為真係實在太口喝..

朋友最後無收我o地o個兩張飛o既錢... 感覺到唔係咁好意思添..

其實我由細到大..都未試過比錢入海洋公園玩..事關..出世到中五之前..我都未去過海洋公園..學校試過搞旅行係去海洋公園..不過我當時同媽咪講..我唔想去..無興趣..所以我寧願留o向學校溫書 / 做功課..都唔想去 (當時o的同學仔..係覺得我傻嫁..)..之後..都有同學約我去..我都係無去..

直至中五o個年..會考之後..入o左去海洋公園做暑期工.. "急救員".. o個陣要海洋公園同水上樂園兩邊走.. 我多數都o向水上樂園當值..

做o左兩個月.. 識o左一大班海洋公園o的人..自始之後..我入去海洋公園 / 水上樂園都係唔駛比錢..因為可以由o向入面做o的人帶我入去..

就係因為咁..我真係未試過要比錢入海洋公園o既..以為今次要破例添 (仲要比成五舊水)..點知..朋友唔收錢...咁即係又係免費啦..哈哈..

玩到個人真係好攰..由五點開始玩..玩到最後十一點走人..十一點半左右返到屋企 (好方便..搭 107 就可以直接返到屋企..又快)..睇o左一陣間相..沖個涼..就訓o左啦.. (其實都唔知自己係訓著定係暈o左..唉..年紀大啦..仲走去學人玩海盜船同過山車...真係有少少頂唔順..)

經過朋友o既"愛心提示".. 我o地今次好醒目咁..又大樹灣o個邊開始玩..玩番去正門.最後就o向正門o個邊走.. 聰明!!

好啦..唔講咁多啦..不如睇吓相啦.. 有大把相睇呀.. 慢用...

呢兩張咁o既o野..就成千蚊..

去到大樹灣..落車見到好很多人..

我覺得呢張相影得好靚..

大樹灣入口.. 好多人..人山人海...

希欽同佢女朋友 Iris..

我同 ming ming..

繼續人山人海...好彩無比人偷o野..

綠色o既手帶..代表貴飛..唔駛點排隊..平飛o既就係白危手帶.. 我o地就由五點鐘開始玩..