十月台北之旅 2008 (2)

去完淡水..都只不過係三四點..不過相信爸爸都已經好攰..所以我o地就先返酒店休息..

我o地今次住o既係天成酒店..o向台北車站附近..貪佢交通方便..

(三人房..)

o向爸爸休息緊之際..我又忍唔住..去o左買胡椒餅食 (我o既至愛..)

買o左兩個.. 我o地就急急腳咁返去酒店..因為我想帶個熱o既胡椒餅返去比爸爸試..

o向酒店食o左個胡椒餅之後..我o地又再出發..到士林夜市...

去得士林夜市..就當然係食啦..不過..爸爸同呀 ming 都唔係食o左好多o野..因為由淡水開始..我o地已經係咁食..係咁食..o向士林夜市..只係食o左個牛扒..同埋個蚵仔煎..

由於太熱o既關係..爸爸終於都忍唔住..話要飲啤酒..我o地買o左罐台灣啤酒比佢..點知佢話好苦.. 哈哈..用我杯白苦瓜汁去同佢換..佢又唔肯..算數..

我o地好記得..士林o個樹..有檔鹽水雞..都幾好味..不過就貴o的..今次去到..當然又要幫襯吓啦..

(去到台北.. 呀 ming 就最開心..因為有好好味o既雞食..佢好鍾意食o個樹o的雞..)

我o地o向士林..買o左o的o野食返酒店食..食飽就訓..

~ ~ 第一日完 ~ ~