糯米煲仔飯...

近期改o左整糯米煲仔飯食..好味到暈...多得爸爸教我整..我先識整...

其實好簡單..同整普通o既煲仔飯差唔多..無乜分別..只不過係要落番正常份量o既水..同埋..煲好之後..要焗耐少少.. (我會焗至少半個鐘..)

好啦..睇圖去學整啦..一o的難度都無..有問題就隨時問啦..

1. 洗好o的糯米..加水.. (正常份量)..

2. 加o的豉油..同少少糖.. (我用o個o的係蒸魚豉油..一o的都唔鹹..只不過係用黎上色..至於糖..基本上..可以唔加..不過..一陣o的料偏鹹..所以加少少糖..應該會好o的..)

3. 正如整普通煲仔飯一樣..記得一定要不斷攪住佢..如果唔係..個底一定會燶晒..到時唔好問我點解.. ok?

4. 開始收水見飯眼..

5. 繼續攪住佢..

6. 差唔多收晒水..就可以開始放料...

7. 我用o既料..係虾干..同埋榮華臘腸 (一紅一黑)..o的料全部都係貴o野..不過物有所值..真係好好味...

8. 落埋料之後..就可以合上蓋..開始"東南西北"o既煮法..每邊兩分鐘..記得收細個火..

9. 同時..準備定o的蔥..我今次落o個o的..真係唔簡易..因為係自己種o既.. (無聊!!)

10. 八分鐘之後 (東南西北各兩分鐘)...就要焗住佢..焗最少應該都係廿分鐘..安全o的就焗半粒鐘..最後加蔥段... 咁就搞掂啦..

睇黎我又要慢慢種番大棵蔥啦..陰公...

睇見蘇施黃教整煲仔飯..真係"不知所謂"!!!! 我整得仲好過佢...