中秋節 2008

今晚大家黎o左我屋企樹做節...

今朝一早就去o左街市..睇吓買咩餸好...

最後買o左 :

- 大海虾
- 白鱔
- 生菜
- 帶子
- 蟹蟹
(再加埋爸爸隻愛心白切雞..岩岩好六味餸 - 過時過節..盡量計岩數..唔好食"七"啦..)

唉..又搞足一日..買完餸返到屋企..就開始洗o野..由於我有"潔癖"..所以我一定要將o的o野洗得超級乾淨..淨係洗o野..都洗o左我兩三粒鐘.. (洗o野洗到隻手抽筋..好恐怖)

唔駛問呀貴...緊係我做洗o野..同執頭執尾.. 而呀 ming 就負責煮..

七點三..人齊啦...開飯...

六味餸如下 :

蒜蓉蒸開邊大虾

紅青椒炒帶子

白灼薑沖大肥鱔

愛心白切雞 (爸爸o既"撚"手雞)

清炒生菜

薑沖炒蟹

我仲以為呀 ming 唔識斬雞添..哈..原來佢都得..叫做可以"切"番隻雞出黎..算唔錯啦..
不過好搞笑..唔知點解..佢要特登放番兩隻雞腳出黎側邊.. (白痴..哈哈..)

其實食黎食去都係呢o的..無乜特別..即使出街食..都係一樣...唉.. (有o的悶..)

今日買餸..都唔算太貴...總共買o左三百幾蚊... 如果出街食同樣o既o野..一定過千..同埋都無咁大碟添...

今次呀 ming 好有心機..佢想o的o野整得好食o的..所以燒o左一大鑊油..唸住將o的蟹同帶子先"走油"..然後再炒....好可惜..可能係油o既問題...o的蟹同帶子走完油出黎..完全唔係我o地想像中咁樣... 呀 ming 好唔開心.. 好失望..無晒心機..  

食飽飯之後..又係食甜品o既時候啦.. 我準備o左一個法式甜品 (creme brulee - 法式焦糖燉旦)..同時..媽咪又整o左紅豆涼粉黎..好豐富..

呢個法式焦糖燉旦..上次整過一次..失敗o左..本來無唸過今晚再整..不過媽咪話想食..咁我先再試吓整.. 哈...今次又比我整到喎..好o野...

而呢個就係媽咪整黎o既紅豆涼粉..唔講真係唔知.. 原來呢o的紅豆係o向日本帶番黎嫁..

呀姐今晚買o左好多生果黎..

望落係好靚...(食落可能都真係好好味..).. 不過真係實在太貴啦...計一計..佢總共買o左成三百幾蚊水果黎..嚇死我...

三百幾蚊..足足就等於我o地今日買呢餐餸o既錢..

什麼黃金桃..一盒有兩個..反轉睇睇..嘩..差唔多成百蚊一盒..嚇死..嚇死.. (呀姐仲要買o左兩盒... )

士多啤梨..強調係"美國長柄"..四十五蚊一盒 (呢個價錢..可以接受)

台灣蘋果芒..17.8 一個..買o左兩個..

什麼日本豐水梨..差唔多廿蚊一個..買o左兩個..

黃肉桃駁李..兩個一袋..共五十五蚊..

計計埋埋..多謝三百五十蚊...

嘩..真係同一條腸出..但係生活就完全唔同...我買親生果..都一定買o的又平又抵食o既..
好簡單..就算買橙..我都係買o的平o既..基本上..我只會接受平均三蚊 (或者以下) 一個o個o的.. (買番去比爸爸媽媽就另計)...總之..邊樣生果平同靚就食邊樣..慳得就慳...反而呀姐就...

以前我都好唔識慳..總之唸起想食乜就要食.. 即使幾貴都會買..依家唔係啦..食乜都無所謂..總之睇吓邊樣"當做".."當做" 就自然多..同埋平..

睇完呀姐買黎o既生果..再望一望自己籃生果..真係好似好失禮咁添....因為全部都係o的平o野..港產o野..什至係大陸o野.. (而佢o個o的就差唔多全部都係日本o野..唔簡單..唔簡單..)