自製麵豉醬 (續)

o的o野已經切好晒啦..咁就可以開始煮..

先將o的紫薑烘乾..用隻鑊..開火..烘佢..

呀嬸無解釋點解要烘乾o的紫薑..由於時間關係..我亦都唔記得問...唉..是但啦..總之就照咁做啦..

搞掂..乾晒..呵呵..不過烘o左好耐..好熱..

跟住..就洗番好隻鑊..落油..爆"傷心蒜蓉"..

再分別放埋o的材料落去..先放朱腩肉..

再放銀錬..

烘乾o左o既紫薑..

兜佢幾兜..就開始落埋o的麵豉落去..

又再兜..

加o的水..再加黃糖.. 我初時以為唔駛加太多..但係..一路加..一路試味..最後竟然成包黃糖比我落晒落去..講緊o個度有一斤.. (好驚).. 爸爸同我講過..o的o野一咸就好難食..我同意..所以..寧靜甜..都唔好咸..再者..我唸..我又比人呃..我買麵豉o既時候..我明明話要甜麵豉..但係..我返到屋企去去試吓o的麵豉..我覺得好咸..我估o個o的唔係甜麵豉..只不過係普通麵豉..頂..又比人呃..

將所有o野加晒落去之後..就係咁兜..係咁兜..大約要煮佢半粒鐘..等o的材料出味..由於要成日兜住佢..所以我足足企o左o向樹..兜足半粒鐘..

搞掂晒..等佢凍之後..就可以入樽..再放入雪櫃..

一樽我o既..一樽就比爸爸媽媽佢o地試..哈哈..又成功啦..

夏天天氣熱..無乜胃口食o野o既話..食飯o既時候..可以o向雪櫃拎佢出黎..撈兩三匙落去碗飯樹....不知幾好味同開胃..食麵都應該得..我估..

不過唔知點解..好似整得無呀嬸o個o的咁好味o既.. 唔..始終都係隔黎飯香o的..

唔..太難整啦..我覺得..難就難在切o野..我估如果我下次想再食o既話..我就會將所有材料買晒過去媽媽樹..扮晒教佢整..叫佢落手.. (自己唔駛郁手..呵呵)..又或者係..買晒o的材料過去..叫爸爸幫我切...最多切好晒之後我就拎番晒o的材料走..自己返屋企先煮... (我真係好討厭揸刀!!)