雞雞煲仔飯..

今晚又係整煲仔飯食..

其實想食咸雞好耐啦..次次叫老豆整..佢都無整..所以今日決定自己整..

去街市..買o左半邊雞..嘩..家陣o的雞咁貴o既? 半邊雞..又無頭..又無頸..都要四十蚊..咁...一隻雞未即係起碼要九十蚊o羅?? 唉..我肯定又比人呃啦.. 算啦.. 鬼叫我望落去似有錢婆咩.. o的人唔呃我..仲可以呃邊個呀..唉... 

都係用番老豆之前教我o既方法去整..詳細唔再多講啦..不過今次有少少唔同.. 我見好多雞..同埋o的肉好厚..我怕o的雞無咁容易熟..咁所以..我就特登再加多少少水.. (本身已經要落好多水..不過今次我再加多o的..).. 以防o的雞熟o既時候..o的飯已經燶晒... (仲以為自己好聰明..點知.. 唉..)

材料..米..水.. 雞 (用鹽醃咸佢..以半隻雞為例..我落o左三茶匙鹽..)..同埋少少沖 (要黎扮o野..等個相好睇o的..哈哈.)

(材料 - 咁就買o左我四十蚊..)

(煲飯o既時候..特登加多少少水..點之...)

(收水..見到"飯眼"..可以放o的雞上去..)

(太多雞.一層疊一層..所以我真係好擔心o的雞會唔熟..)

跟住..就用番我之前教落"打牌 - 東南西北" o既方法去煲...

(嘩..o的雞出油出得好緊要呀..好恐怖呀..但係又好好味...唔..太肥啦..唔得健康呀..都係少食為妙...)

(到差唔多得o既時候..我再加埋o的沖o向面...扮吓o野先..啊啊...)

再焗多一陣..咁就搞掂啦.. 哈哈..

(睇吓幾靚仔..)

味道一o的都唔差..隻雞好新鮮...好好味..好香雞味..唔怪之得要四十蚊咁貴啦..抵o既..
之不過..唉..落多o左水.. 可能o的雞會出水..同埋佢出o左好多油..所以..起埋飯焦.都仲係收唔晒o的水..有少少"爛飯"o既感覺..

不過唔緊要呀..都算好味..

成功!!!!