仔仔牛年運程: 血光之災

唉! 呵尿尿有血既情況持續出現. JJ同KK決定正月流流帶我去見獸醫,真係大吉利是.

點知報告出左泥,我膀胱度真係有石呀!(但唔係鑽石喎)阻住我呵尿尿,如果塞到呵唔到尿尿,就要"拍針"......certify架啦

JJ同KK當然決定同我做手術. 惡夢就開始啦!

被個死人獸醫同幾個助手掂果陣,我當然叫到鬼"鏈"咁侯,(JJ係出面就喊到收唔到聲)

"JJ救我呀! KK救我呀!" 跟住我就無晒知覺.

被一陣好痛既感覺正醒左,跟住我又keep on 大叫. 個死人獸醫同我打左支針就舒服左D.

但我個頭多左個"小喇叭"既物體,重話要帶足10日tim,你叫我英俊既仔仔,點出泥見人呀?

唉!  總之一入牛年我就有血光之災,KK就破大財啦! (不過KK搵錢咁叻,好快搵得番既!)