寶爸爸趕我扯？！

什麼的情人　送　什麼的禮物

禮物　代表了送者的心底話

寶爸爸送了個一喼畀我

咁即係．．．

佢要趕我扯？

吓？！！！

嘻～　嘻～

搶眼題目志在吸引Jackie Wang一眾閱報份子

言歸正傳～

寶爸爸話〔小紅〕唔係情人節禮物

元宵即係中國情人節　佢已經送咗〔阿香〕畀我

呢個蝦毛豬頭走佬喼係兒童節禮物

等陣

仲有兩個幾月先至係兒童節

會唔會早咗啲？

anyway有禮物收唔好問咁多

今次寶爸爸好大手筆

送個吉蒂喼畀我仲做埋古哩送貨

〔小紅〕好靚架　驕小到handcarry跟身

而且好有離家出走皮喼feel　勁可愛

其實兩年前　陪澳洲訪港既Steven逛街時

喺百貨公司見過一次

太貴唔捨得買　舊〔小紅〕又未丟

用手機偷影咗張相　畀寶爸爸睇

估唔到　兩年之後就有啦～

多謝寶爸爸　kissssssss

好想快啲出埠　我要去旅行

我要同〔小紅〕搭飛機～～～

講到送禮　自製白朱古力食咗落肚就無啦

我梗係揀多份好好睇既〔朱古力〕

送畀寶爸爸慢慢keep住留念

乜嘢朱古力係唔怕溶？可以keep好耐？

而且　寶爸爸送〔阿香〕畀我

我應該送番一份　都係香噴噴既禮物畀佢

咁先至啱數

終於我搵到〔小朱〕～

朱古力味香薰＆

沾滿朱古力既士多啤梨香薰座

　寶爸爸經已經將佢放咗喺公司辦工桌上

一邊工作　一邊飄來陣陣朱古力誘惑香味

滿腦子朱古力既影子

垂　涎　欲　滴