病咗～

原本喺大假最後一天

寶爸爸向公司攞假

計畫搭船離島一日遊

點知前一晚突然面青口唇白

發燒肚瀉腹痛頭暈好辛苦

第二朝起身嗱嗱聲碌落街

搵〔劉文〕醫生

（其實係劉仲文，叫佢流氓醫生開心啲！）

　原來係感冒菌入腸...

興緻勃勃　依家無得去picnic　激氣呀～

寶爸爸安慰：

你今次放大假真係乜都做齊

人哋一放大假就勁病

Lastday你先至係病吓咪算囉！

咁都得？

******

食咗藥　懵懵地

暈陀陀爬上床繼續瞓

瞓幾粒鐘後醒咗食啲嘢

好咗好多喎～

其實

我諗我好似啲小朋友

放大假前夕興奮失眠

平日玩得太high會發惡夢"札"醒

長假結束即病　潛意識逃避現實

真係好唔想返工呀！