皮膚科

今日我鼓起左最大o既勇氣去睇皮膚科........

個醫生好快亦好詳盡咁講左好多野，都終於知道我係咩瘡喇......

原來係好多人都有機會有o既「玫瑰痤瘡」。開左一星期藥都只係480蚊。我諗....我之前去睇營養師都真係白費。

記得舊年開始做PG果幾個月，我發現自己EQ高左。但呢兩三個月（即係暗瘡惡化呢兩三個月），我EQ又昇華到另一個景界。皆因幾乎每日都受住別人奇異o既眼光同埋難聽o既說話。

有D人可能真係擔心你，但有D人o既說話真係好難聽。「哇！乜你塊面咁多粒粒架！」「你塊面做乜咁架？以前你都唔係咁架！」「你塊面咁多粒粒唔好化妝啦！」

以上呢D說話我o既回應係笑笑口咁話：「係呀！所以我咪要搵多D錢睇醫生囉！你仲唔飲多兩枝~~~」

但其實我心裡面係多麼的難堪......心裡諗：關你Q事咩！唔化妝？我好返咪唔化囉！我唔化果陣你咪又係話我樣衰多粒粒！仲多幾句說話聽添呀！點解我塊面會咁？你問我我問邊Q個呀？你低B架？講到我好似好撚想多粒粒咁！我都唔想架！

醫生話玫瑰痤瘡o既成因係：壓力大，精神緊張，之前有服用開賀爾蒙藥或最近停用賀爾蒙藥，有用過類固醇藥。

以上除左類固醇藥外，我咩都中哂。有咩可能會冇瘡？唉......不過睇完之後都相信我會有好返o既一日。咁都好D~~

醫生話可以繼續化妝，戒口果幾樣野不嬲都冇食開~~即係話睇佢係輕鬆過睇營養師。不過始終西藥食得多對身體都唔好。唯有等我好返之後再去調理啦^^