性工作者2‧我不賣身。我賣子宮

今日同明仔睇左性工作者2。劉美君飾演一個染上毒癮o既妓女。RACE飾演一個和香港男人結婚有三個BB o既內地女人。黃秋生是一個勤力積極o既保險從業員。而森美就係一位攝影師。內容充滿人情味，亦提及關於港人歧視內地女人及妓女o既話題。

其實我覺得妓女都只係一份職業。你情我願，你賣我買。我從來都冇歧視呢類人。佢地都係靠自己o既能力搵食姐~~總好過有好多搶人老公o既狐狸精呀~~~

而內地女人點解會咁受歡迎？只要你娶得佢，佢就照顧你一世喎~~又唔似一D自以為高尚o既香港女人，要你又"霓"又西，呢樣果樣~~~

黃秋生係做一個典型o既香港人。有少少歧視妓女，但努力向上，無時無刻都諗住賣保險，係一個勤力搵錢積極進取o既人，十分有香港精神。

第二集同第一集一樣精彩，中間亦有喊位。我覺得劉美君拎金馬最佳女演員係實至名歸o既。

今日同一位17歲o既同學提到我會睇呢套戲，佢話唔鐘意劉美君，覺得佢首"浮花"唔知up緊乜........係o既，呢首歌o既內容小妹妹係唔會明架喇~~但呢首歌令我曾經喊過、感觸過。

總結：《性工作者2‧我不賣身。我賣子宮》值得一看^^