新學年又開始... 媽媽真係要幫我報學校喇!

幼兒教育... 絕對是一門學問! 選擇合適的幼稚園... 對於新手爸爸媽媽來說，更是難上加難，要麼人云亦云隨波逐流，要麼「不理好醜但求就手」。

踏入九月，大部份學校開始接受報名，媽媽開始重新整理一下資料並開始行動。 先從選校要求開始：

• 學校設施 - 點都一定要有 Outdoor playgroud, 長期冷氣環境下學習同遊樂, 絕對唔係叫做「禮待」個小朋友! 
• 教學語言 - 普遍人都認為英文好重要, 而Mama and Baba覺得國語都唔可以看輕! (相信爺爺嫲嫲阿公阿poh都咁認為, 因為Mama and Baba, 仲有姑媽同姨媽, 大表姊同細表哥, 都係同一間國語幼稚園/小學畢業喇!).  另外, Native English Teacher is a MUST.  如果可以, Mama希望 Derek可以打好英文根基, 就算第日讀完local中文小學後升上英文中學, 都好似冇咁痛苦! (呢個純粹係Mama一廂情願的想法) 可能有人會認為讀國際學校咪可以符合Mama要求... 但日後小學&中學又唔打算讀國際學校, 所以應該唔會考慮幼稚園讀國際學校lor
• Location -  北角區當然最好喇! 之前都有傾過2個港鐵站範圍都會考慮, 但Mama見Baba都選到去灣仔, 所以佢自己伸延多少少... 由杏花村去到灣仔啦!
• 做細仔定大仔既問題 - Mama and Baba 會N1同K1都報名先, 相信K1面試完有學校收得佢, 即係學校都覺得佢有咁既能力 (加上今年咁多小朋友去爭, 斷估學校唔駛係又收唔係又收), 咁咪試下做細仔lor, 如果K1呢一年發覺點都追唔到D大哥哥姊姊, 咁可能轉番做大仔... 到時睇情況喇, 唔試過又點知係咪真係咁差呢?! 再者, 如果interview完都冇學校收佢入K1, 咁就唔駛諗咁多, 怕且N1都一定收佢喇!

但係有一d 問題仲係度爭扎中:

• 教學模式 - 傳統學校 (課程較深) vs 活動教學 (課程較淺)?! 兩者各有長短.  Mama一直希望Derek有一個開心快活既學前教育, 所以比較鍾意d活動教學&萫重親子既kinders (Mama真係好希望係呢段時間可以多d陪 Derek).  相反, Mama又知道如果小朋友接受到傳統學校呢d比較填鴨既教育, 日後升上普遍填鴨小學就冇咁辛苦!  唉, 究竟邊樣合適d呢?  不過如果做到細仔, 係咪傳統學校真係太辛苦呢?
• 師生比例 - 相信師生比例越少越好, 但 Mama 'n Baba 選既幼稚園, 大部份都係1:12 - 1:14, 仲要一班有成30+小朋友.... 真頭痕...  so far 呢個仔返 playgroup 都唔會坐定定聽老師講故事/唱歌 (今日唱遊時間仲離開位走去老師面前dance, 真係唔緊佢係一舊飯lor!! ) 如果Derek做細仔, 會唔會一班少學生d, 老師會「照顧/管教」得好d呢?
• 上/下午班 - 問十個都應該有八個認為返上午班係最好! 但如果做細仔.... 應該有九成機會比人踢去讀下午班!

其實分析番以上既問題, 都似係做大仔好d, 但Mama好堅持想 Derek早少少返學... 佢都好想自己教佢, 同佢去呢度個度大自然探索、學習, 佢擔心自己唔係日日都可以自己照顧到Derek, 萬一有段時間要行開下... 咁就要靠太嫲、阿嫲睇住... 如果返左學, 大家都唔駛咁辛苦lor.  Positive去睇, 又可以早d同小朋友一齊玩, Mama又唔駛頭痕日日諗節目, 都幾好啊!

Well, 依家Mama 'n Baba 應該會幫 Derek報

1.  蘇浙 (北角近屋企 , 普通話教學, 傳統教學, , 有口碑, 錄取機會教大)

2.  天主教聖"由"達 (北角近屋企 , 廣東話only , 學生少地方大)

3.  靈糧堂 (銅鑼灣, 廣東話加英文, 活動故學, 有口碑, john表舅父&婉微表姐讀過)

4.  呂郭碧鳳 (灣仔, 廣東話加英文, 活動故學, 有口碑)

5.  明我 (西灣河,  廣東話加英文, 傳統教學, 有口碑, 表姨讀過)

6.  聖道明雙語班 (杏花村, 英文加普通話, donald表哥讀過)

其實點都好, Mama認為... 有學校收先再決定啦!