090715 Joey x Sa x Vincy 新城Pop Queens音樂會

微雨裡停在馬路口　輕輕一笑氣球放開手
彼此都有了自由　不必擔心失去　最灑脫是沒擁有
忘記你前路繼續走　衷心祝你暢遊全宇宙
讓我的一切畏懼掛念浮上那雲外飛走...

繼上次同mungbaby去完勁歌金曲之後
[話說那集勁歌雖然俾鏡頭映到我4次咁多但都冇dl返黎珍藏tim XD"]
今次我地又出動去睇音樂會~
最主要當然係睇joey啦....但我對阿sa都有dd興趣的

張飛寫住7:30開場....因為拎完飛都已經7:00=___=
搞到我同baby要立即衝去triple' O買包食[個包塊漢堡真係好正!!!]
但點知到最後竟然係大約8:20才開始.....
總之如此我地唔洗如此趕頭趕命了吧....

雖然係坐後面而且係最側的位~但因為唔係坐到好高
所以都睇到個台~而且都幾清~加上個大screen正正嚮自己前面XP

一開場係vincy先..之後阿sa...最後壓軸當然係joey啦XD
不過中間過場都夾左好多嘉賓law=_____=
估唔到洪卓立出場才是最大的廁所位.....
另外都俾那個叫"鄭嘉維"的新人嚇了一下...
點解d人話佢把聲似sammi?!一d都唔似law=_="
另外鍾舒漫同阿sa出場時竟然係銅鑼助陣!!!!又嚇死一次=_=""我同baby都囧晒
不過鍾舒漫唱joey的超舊歌"goodbye"都幾好聽

今次3個pop queens大部分都係唱自己的新歌.....
vincy的新歌我真係唔識...阿sa那首"氫氣球"原來都不錯聽
[因為我只係識"二缺一"]

其實我覺得自己坐緊那個位境觀算唔錯~亦都唔多想郁
但去到joey出場時~~就話可以出去近台邊的紅區睇.....
咁個個都走晒啦冇理由唔出埋去=0=
最後我同baby只係坐嚮d位到~一路搖閃燈棒一邊睇而冇跟其他fans舉牌/大叫
我比較鍾意靜靜地聽joey唱歌law......
joey都係唱左4月新碟的歌"可歌可泣"~"圓謊"~
"時不與我"~"搜神記"~"開動快樂"
唱左咁多首真好~不枉我地等左成晚~抵返晒~
不過我呢排真係比較成日阿拉西~
所以就算認到joey唱咩歌都不太記得起歌詞XD"
joey唱live真係好好聽呢=]
我真係好期待佢10週年con時...會唱多d"滄海遺珠"的歌!!

到完場前~~所有歌手都走出黎謝幕[外加joey encore"開動快樂"]
估唔到呢度會係一個超級驚嚇點!!!!!
話說我地2個完全嚮無意識之下..就俾vincy的fans大包圍左
而且突然有其中1個fans嚮我同baby隔黎大吹bibi \囧囧囧囧囧/
嘩我同baby當堂嚇死+耳膜都快被震爆
完場後耳仔仲係"溫溫"地.....
撞鬼...洗唔洗咁樣呀.......真係好痴線=_____=

如果唔係歌迷會的話...我覺得我唔會黎=_=
首先係已經冇咩氣氛可言...[尤其vincy打頭陣時]...最後到joey時先算有少少氣氛
而且太多嘉賓啦!!!!!好似都唔係將重點放嚮3個queens身上...
似係"英重群星音樂會"多d....
同埋重點係~點解冇佢地3個的crossover架??!!!
咁難得同台應該整返段medley啦......=.=對新城的安排真係有d失望..........

不過都有意外收穫~就係見到richard eng啦XDDDD 佢真係幾帥

最後咧~我成12點半先返到屋企=_____=
真係好鬼死攰..回程時真係一直只諗住"好想快D返到屋企瞓覺"orz

話時話...之前明明寫緊篇joey版本的偶像文...但寫到一半又停左XD"
都係快D完成埋佢先