真令人擔心 (三)

Mocha已經做完手術了！

近哩兩日都好忙，忙於處理Mocha手術的善後工作，以及心情不太好，冇乜精神…所以就遲左通知大家，而家等我話番比大家知當日嘅情況啦。

當日我地喺Mocha完成手術前已抵達診所，得到護士通知，腳仔手術已經完成，現正進行第二次麻醉做絕育手術，話等多十幾分鐘可入去睇佢。過左十幾分鐘後，我地喺手術室外已聽到Mocha的慘叫聲，跟住護士便叫我地入去…當我第一眼看見Mocha，醫生已為牠帶上燈罩，而牠的身體不停地抖顫，雙眼有點呆滯，個鼻鼻不停地在左右兩邊嗦味，叫牠也沒反應，好像變了一隻陌生狗一樣，最嚇人還是那條差不多七吋長像蜈蚣一樣的疤痕，看到牠這樣子，我的心好像跌了出來，很痛…很痛…

跟住醫生便講解手術過程及事後工作，醫生話Mocha的情況比想象中差，有20% - 30%機會要再做多一次手術！因左後腿的大髀肌肉太發達，相反小腿的肌肉太弱，未必能承受咁重的壓力！

什麼？！天啊！！！還要進行多一次手術？！那即是要小寶貝多受一次傷害？！(當時的我們其實已很亂，什麼也聽不入耳，只想盡快把Mocha帶回家中) 接著醫生教左我地幫Mocha做物理治療及冰敷的方法，之後我地便回家了！

返到屋企入籠後，Mocha一直企係度，唔肯訓底休息，而且佢好明顯在生我們的氣…所以我地都用左好長時間去同佢傾計、氹佢及安撫佢，情況至慢慢改善…

等做手術前的Mocha，樣子一臉天真。(由於手術後的照片有點嚇人，所以我地決定左唔post出來喇)

醫生比左疊物理治療嘅指南我地，裡面講話每天要喺傷口附近位置按摩及冰敷約8次，每次10-15分鐘，而康復期約需三個月。(我知道我地替你按摩時你是很痛的，但你真的表現得很堅強，扮作若無其事…)

兩星期後便會返診所拆線，到時會再照X-ray，希望果20% - 30%的可能性不會出現啦！我真的不想你再受半點苦啊~~~！