大C生日禮物

今年生日較為平靜，不過仍然收到多個愛心短訊同愛心電話，我大哥同龜龜都有份，好開心。

講吓收到咩禮物先，唔係要晒命，只係搵個機會多謝愛我嘅兄弟姊妹，不過最先收到係我三個乖囡嘅禮物，有一頂帽同一包美味芝士餅，都係好實用，超多謝佢哋。

燕莉托人送咗個蛋糕到部隊俾我，真係好有心。
另外上星期日收到家姐Mimi嘅禮物(我一直都當佢係家姐架)，係一個非常啱用嘅背囊，我叫佢做子母背囊，事關佢有大又有細，大C我一直都想有個小背囊用，上個月自己就買咗一個用，不過我會搵機會用個新背囊嘅。

坐在後排嘅小女孩送咗兩張禮券，咁啱大C有嘢想買，真係「飛機撞紙鳶」。重有「你笑教」送咗條頸鍊俾大C，我平時唔多帶頸鍊，但都掛咗係條頸度，日日帶住。其實送咩俾大C我都會好開心，只因為大家咁有心，不過有D慚愧，因為我冇乜嘢送俾你哋，維有繼續做你哋嘅好弟兄啦！