25/3 Day 5 台北(買手信)

25/3 (星期三) 陰天

今日開始買手信喇...

早上到101大樓地下B1買「馥御」豬肉紙,

本來今年唔想買鳳凰酥, 不過旅遊書對鳳梨酥做咗個大比併, 其中 「犁記」 評價最好, 所以我又心思思想買,

 「犁記」   台北市長安東路二段73號

因為鳳梨酥太重, 所以我地返旅店放底之後, 就嚟「田舍」食手打烏冬, 旅遊書話烏冬特別Q, 但我就覺得一般喇...

田舍  台北市昆明街99號

再去買手信, 今次係阿蘇推介嘅 「江記華隆」 櫻花蝦杏仁紙, 哩個超正, 好香好脆, 我鍾意~

 「江記華隆」 台北市大同區迪化街一段311號

再坐捷運芝山站轉乘免費接駁車到天母,

嚟到天母, 我想食旅遊書介紹嘅「三明堂」草莓大福,

「三明堂」  台北市天母東路22巷21之7號

好多款和菓子啊...

草莓大福, 春季限定只有每年二月至五月製作, 一睇就知好好味啦 >3<

和藹可親嘅老板娘知道我地係遊客, 請我地飲杯綠茶不單止, 仲送珍妮c好多款和菓子,

好感動呀, 因為係珍妮c第一次係外地遇到嘅意外收獲 >3<

你睇有幾款不同嘅和菓子, 都係老板娘送架, yeah~

我地晚上係天母食西餐LA PASTA, 哩間唔錯呢, d野食好大份又好味呀...

再坐接駁專車返芝山捷運站,

與台北烏氏家族代表, 烏米 & 烏諾 合照,

烏米(爸爸)係白色貓貓, 烏諾(仔仔) , 可惜烏魚子(媽媽)就冇嚟到, 因為佢好怕外出...

傑哥, 謝謝你把烏氏家族帶來給我抱抱唷 >3<

返到旅店珍妮c就上網, 豆豆樂daddy就係到影手信...