20090807 -- 盈盈 (go to school -- day 2)

20090807(fRi) 的 盈盈

第二日返學 lu，

今日盈盈依然好叻，

返到課室就搵位坐低，

玩左一陣，

老師同盈盈講：

〝爸爸同婆婆去飲茶，

盈盈o向度玩，一陣返黎接你，

好唔好？〞

盈盈答：好！一陣見！

然後就同我地 bye bye，

佢就繼續沉迷佢o既玩具，

我出左門口望返入去課室，

盈盈依然無事，咁我就放心走人去嘆茶 lu；

呵呵！

九點五十分，我同婆婆已經到達學校，

我再o向門口望入課室，

見到老師安慰緊一位爆喊o既同學仔，

而盈盈就穿住書包話之理咁走來走去；

由於尋日因為太遲接盈盈而令佢偏咀，

所以今日十點正打放學鐘，

婆婆就左攝右攝咁走去霸到個頭位接盈盈，

不過今日依然有少少偏咀，

我即刻走埋去抱住佢，

問佢咩事，

盈盈就偏住咀指住課室內兩位爆喊o既同學仔話：

〝佢喊呀〞！

哦，原來佢見到同學仔o向度爆喊，

又想湊熱鬧姐！呵呵！

今日放學離開課室之後冇即刻走，

因為盈盈拉住我地留o向學校o既遊戲區玩，

玩到唔肯走，

最後幾經辛苦至可以夾佢離開！哈哈！