20090814 -- 盈盈‧‧‧‧病倒了！

 

 

200908014(fRi) 的 盈盈，病倒了！

今早我如常起床梳洗，

就在呢果時候電話o向起，

已心知不妙，

原來盈婆婆打黎，

話盈盈發燒，食完o既野嘔返晒出o黎，

omg，

梳洗後立刻飛奔往盈婆婆家，

一入到屋見盈盈兩眼通紅，

偏晒咀咁，心都酸埋，

我即時幫盈盈搵熱，

噢~~102度，今日當然要請假 lu！

因為睇開果位 doctor 下午四點至開門，

咁只好叫婆婆俾多d水盈盈飲，

等下晝至去睇 doctor 啦！

唔通呢位doctor 真係忙到咁爆，

四點打去問醫生返來未？

姑娘話四點三至返，

咁我地四點三去到，

結果又等到四點半至返，

我地排第二，

佢返到來睇第一個病人都睇左成十五分鐘，

結果我地成四點九至有得睇；

入到去佢同盈盈量體溫，

發高燒wor，

醫生話，如果返去食左藥都無咩轉好，

就去醫院啦！

我吓左一野，咁大劑，

跟住醫生話，因為我要放假去旅行，

所以睇唔到佢，

所以叫我地去醫院，或者睇住另一位醫生先，

oic，真俾佢吹脹！

睇完醫生就當然等拎藥啦，

通常拎藥o既時候，

姑娘都會同拎藥果位講一講點食法，

另外包裝上亦會寫住點食法，

唔知係咪鬼奄眼，

 我齋聽姑娘講，同認住d顏色就算，

因為我諗住返去睇返包裝上o既食法就ok啦，

返到屋企，盈盈o既大酷刑開始 lu，

因為最驚最驚.....(下刪一萬次最驚)就係食藥水，

我地要三個人(公公、婆婆、爸爸)合加夾實盈盈，

仲要〝鏈〞開佢把口，貫佢飲，

以前呢個方法都仲有d效，

但今時今日o既盈盈，

把口合到實一實，就算係打得開佢把口，

貫左藥水入口，佢都識得噴返出黎，

真係俾佢激到彈起！

幾經辛苦總算飲左，

晚上盈媽返到來，睇睇d藥，

發覺同我聽姑娘講o既食法有所出入，

咁即刻打俾醫生，點知聽電話o既人話醫生已經飛左，

好彩最後都搵到醫生覆我地，

盈媽問過醫生之後，

發覺，姑娘講一套、

藥水包裝上寫另一套，

而醫生最後 cfm 又係另一套，

嘩........................！