盈盈好慘，病得好辛苦呀！

20091107 (sAt)

盈盈好慘，病得好辛苦呀！

星期三見佢有D發燒，夜晚帶佢去睇醫生，
醫生睇完之後話可能係〝手足口病〞，
我同盈媽都登時嚇到〝O 嘴〞，
不過醫生話好平常o既病之麻，
無咩架wor，過三四日會自然好，
咁我地都無野好講啦！

返到屋企，我地上網睇過，
只有少少病徵似〝手足口病〞，
就係個口好多〝菲芝〞，
但手腳都無出現〝水卜〞，
可惜盈盈滿口〝菲芝〞，已令佢受盡苦頭，
完全唔肯食野，連奶都無咩飲過，
成日都話個口好痛，喊到好慘，
瞓覺又個幾鐘就痛醒，成晚無覺好瞓。

唉，今日已經第四日喇，
盈盈辛苦左四日喇，
但係仲未好返，我估計仲要多三四日，
至可以好返八九成，
唉，好可憐o既BB女呀！嗚~~~~~



~~~ 快D俾我個囡好返啦 ~~~