大阪白濱, 神戶, 奈良之旅 - 10月28至11月2日2009年 - 第三日

末寫第三日之行程前, 要比大家睇吓我今日嘅傑作呀!! 

Rum酒提子麥芽曲奇條:

好香脆呀.....

加個包裝之後就送比人啦.......都幾可觀呀!

第三日 :
梅樽溫泉酒店 - ホテル三楽荘 - 白濱白沙灘 - 白浜エネルギーランド Energy Land - 円月島睇日落 

一早起身就見到幾假bird企喺窗口:


一早就食個早餐先啦, 梅樽個早餐係自助餐方式.  都幾多選擇有日有西.

我嘅早餐呀:

食飽就check-out啦, 因為要準備去另一間酒店check-in呀!  我地先過對面買定第4日回程去大阪嘅高速巴士飛同今日嘅"一日明光巴士卷" 1000 yen 任坐.

點知原本想座嗰班 8:26 am 已滿, 所以要改到去 7:26 am 如果唔係就要等到 10:56.  出返去唔駛行, 所以大家記住要早啲book定.

之後就係 "新湯崎" 站等巴士去 "走ハシり湯ユ 站到新酒店.  車程大約5分鐘啦.  一落車就係白濱出名嘅白色沙灘, 而對面就係酒店.  先放底行李就立即過對面影相, 天氣咁好唔快啲影就浪費呢個藍天碧海!

ホテル三楽荘 : http://www.sanrakuso.co.jp/room/index.html
24,000円 （大人）平日/1泊2食


啲沙好幼細呀.....個景一流都無得頂, 所以夏天呢個沙灘啲人多到插針都插唔入呀.

行原沙灘玩完水就出發去 "白浜エネルギーランド ", 呢度其實係一個視覺藝術館, 又有得玩吓同食吓嘢嘅地方.

http://www.royalpines.co.jp/shirahama/index.htm - 白浜エネルギーランド

因為買咗巴士卷當然就座車啦, 不過其實只係要係沙灘行3分鐘已經到達.

佢地門口有一架飛機, 好易認:

一入門口就係手信店, 而再入就要買飛, 每人 1200 yen.  大家記住印coupon又或者買咗巴士飛係有coupon送可以平100yen!

分開左面同右面 :

左面有個 "太陽之街" 入面有個大模型介紹太陽能, 又有短片介紹.

再行入去就係"3d image" 電影 , 15分鐘長. (不過我地夾唔到時間睇)

之後係有個 "體能測試"森林區, 有好多好似去咗健康徑嘅效外工具測平行/體力呀....

再嚟就係 "4D Riding Machine", 要去睇呢個要另外加錢先睇得.

最後個景點就係我期待已夠嘅視覺錯覺館呀.  入面有好多唔同嘅晝晝喺壁上面.  影出嚟就好立體.

呢個真係好攪笑....超大個呀:

呢個一定要行正對角影先似:

仲有其他唔同角落都有嘢影同玩.:

呢個細佬都幾horrible....

行原左邊就再行右邊, 最精彩就係呢間叫 mystery zone 嘅地方.  個個都係 michael jackson, 玩到嘔呀!!



玩完出嚟就有個大足浴嘅地方, 大家可以座低休息吓食吓嘢.

如果唔想食小食就可以入去餐廳有 ucc 嘅咖啡飯, 我地 紅/黃/黑同加spicy都有.  味道最好係我選擇嘅黃咖喱:

食完出門口就係 "New Jurassic Tour" 好似座過山車咁 (當然小型好多) 啦.  不過大家如果腰骨有問題就真係唔好玩, 好鬼痛呀!

之後就出發去 "円月島"睇日落, 帶齊腳架就出發啦...再座巴士去到 "臨海站".  我地去到時大約 4:10 pm已經有好多人啦, 個個都要搵個好位影相.

睇吓隻狗仔幾可愛..


而呢個度點解咁多人等睇日落呢......就係因為佢中間有個洞, 個個都想捉住個太陽落正個洞嗰一刻.

我都不知影咗幾多張, 等咗成40分鐘個太陽先開始日落.  而啲人都由右邊一路過過過到左邊......好可惜當太陽落到近山洞之時因為太多雲, 所以根本就算搵到個靚位都影唔到個太陽呀!!

一落完之後啲人立即四散, 而我地都要急急腳去巴士站等最後一班車返酒店 (因為都有成 15-20 分鐘車程).

話咁快就返到酒店啦....沖個靚涼浸個靚湯就準備食晚餐.