越來越意料之外

電腦抗工了好一陣子 (結果certified!), 但公司"劇情"沒有靜止....

首先係有關廢柴上司 - 上回佢依然佔上風, 但有一日老闆突然宣佈廢柴上司 要被臨時調往星加坡最少3個月, 最攪笑係話佢會做"consultant" 嘅 role 協助一個同佢一樣職位但比佢醒一百倍嘅同事...我哋雖然覺得匪夷所思但依然祝福佢喺星洲發展順利以後唔好返嚟...哈哈, 點知原來係別有內情嘅....話說我朋友其實以前喺度做, 同老闆及一班高層依然好熟....原來老闆決定俾廢柴上司一個測試, 如果星洲同事對佢有同樣意見, 咁佢就被certified!    真係天有眼!

不過公司亦發生咗一堆令我唔係咁開心嘅事:

• 同我哋一黨嘅team leader 因健康理由resign...既少咗個好同事朋友, 亦代表工作量會增加...
• 我嘅小隊又大咗好多, 又加多4個人, 但唔係好事 - 因為加人係要我接手做阿resign team leader 一個超難受同MD 高度關注嘅項目...雖然自己英國office 係客, 但佢哋態度超差(殖民主義?!)兼且期待緊我哋犯第一個錯誤, 咁佢哋就會收回整個項目自己做...壓力都幾大....
• 我小隊中最醒個"妹妹" resign (佢另一"姊妹"亦 resign 了, 好驚會傳染俾佢2個亦係我小隊嘅姊妹)...坦白說, 好失望...佢用咗一啲有辱我智慧嘅謊話嚟resign....仲要當初佢好感激我幫佢爭取加高啲人工, 結果我只係傻瓜一名白做好人....
• 公司雖然已做到今年六十幾%嘅target, 但MD依然覺得生意好差 (因我哋上年生意超好, 而佢居然拿上年嚟比較今年！痴線！）所以佢決定要我哋部份員工放無薪假期! 我個職位每個月要放２日, ＂可幸＂係我＂下面＂嗰啲唔受影響...最離譜係公司明示暗示叫我哋嗰２日返無薪工，so that　我哋可以＂同心合力＂去achieve target! 本來我都好疲倦唔mind放吓假, 亦touch wood　少咗啲人工亦唔會影響我生計, 但我真係覺得公司好cheap,  好景時已對我哋唔係咁好, 而家做到六十幾%嘅target我唔覺得好差要去到呢一步wor！仲有如果係咁差, 點解仲要裝修同攪咁多隊酒parties？！我哋啲中國人根本唔鍾意隊酒, 俾番啲＄我呀！太唔公平！仲要搵人同我＂傾計＂, 話希望我唔會走呀, 話公司好＂欣賞＂我（但要減我人工?!）......bullshit!

本來諗住咁多嘢做, 嗰２日無薪假都放唔到, 但"twin"同事叫我咪咁蠢死都休吓息!

不過, 我都要＂多謝 "我老闆lor...因為佢年頭"short"咗加咗我好多人工, 所以我減薪後人工都係叫做加咗少少咁喇....都算不幸之中嘅大幸!