測試計劃

很"幸運", 我的小隊被抽中參與公司一個調位測試計劃...星期一開始我地要搬上樓上, 同另一條可謂係我地internal client嘅野蠻/煩人小隊一齊坐2個月...以往唔係坐埋一齊, 我地可以唔聽煩人小隊電話, 可以改佢地花名, 可以暗地裡鬧爆佢地, 可以有空間俾我教同事點"對付"或"serve"佢地....但星期一開始, 我地所有嘢變得100%透明, 連發洩情緒都唔得, 而且唔係坐我部門嗰層, 即話有"mud"麻煩我都要自己一個獨自幫我條team去撐....老闆話佢依然會睇住我地, 但試想吓坐正隔離嘅煩人容易"攪"我地多啲, 定係相隔十幾層嘅老闆會知道我地發生"mud"事或幫到我地?!

雖然明知嘈都冇用, 但都曾經忍唔住去同老闆表達我嘅concern, 仲激動得差點哭了出來!  老闆當然只係講埋一堆廢話, 兼表明呢個係MD決定, 而且公司已經好"民主"喺考慮全公司調位前先進行測試....

雖然我安撫同事們話只係測試, 但其實暗地裡, 我知道公司一向只係做D戲扮民主, 而決定其實一早已落咗....感覺很frustrated...

仲要我地將會坐正MD附近, 煩死! 佢平時嘅嗜好就係做"港姐", 即蹺場一周兼揮手同say hi!

仲有, 我將要同我個"twins" (我個廢人上司話我地成日一齊係twins喎?!)分開2個月+....2個月唔講嘢會痴線架!!! 雖然我同我小隊都玩得顛, 但始終同啲妹妹仔只可以吹水唔可以傾計! 上司以往成日話我同twins好似痴線咁, 成日各自望住電腦一個望左一個望右咁傾計, 遠望我地好似傻人喺度自言自語...搬上去可能我都要繼續自言自語, 但求被人投訴我痴線將我地趕番落樓下!!

很難受, 很擔心...維景住客都只係被隔離7日, 但我地要被隔離36工作天!!! 倒數日子嘅生涯開始....