沒落中的威尼斯人?

好耐冇寫blog, 其一當然係因為懶, 但更加係因為忙...忙到好幾晚都係過咗零晨先放得工...我嘅曙光幾時先見到? 我同啲同事仔講, 捱埋今個月就ok喇...希望會係真!

好, update 一吓先...早排公司有個會喺澳門威尼斯人開, 喺嗰度住咗兩晚...公司好慷慨, 俾我哋一人一間房...間房係幾靚同好大好大嘅...睇吓相先:

之但係, 我個人認為佢有好多改善空間囉, 例如:

- 間房已經大, 但床頭居然冇一個總掣控制所有燈, 而係好stupid地要行晒全間房去開/關每盞燈...而間房係超多燈...有位低能同事就搵唔到喺邊關掉床頂盞射燈而光住咁瞓咗一晚!

- 房嘅temperature 亦好有問題, 我間房就焗到瞓唔到, 有人就凍到爆!

- 啲staff亦係來自五湖四海的, 包括廣東話不純正的...有同事講英文, 佢居然唔識聽!

- 啲staff嘅attitude先係大問題 - 係consistently 咁差! 無論係邊個崗位都係咁差 (如: check-in, restroom, taxi waiting area, call center)! 如: 我兩晚打去service request morning-call service, 兩晚都俾人鬧"你仲mud打嚟呢個部門, 我今次就幫你..." 有冇攪錯, 我只係按電話上面"service" 個button, 我點知點解?! 仲有, 我係客嚟架! 亦有個鬼佬同事無啦啦俾人倒晒佢袋啲嘢落地搜查, 同事話要complain, 結果企咗20分鐘個manager都冇出現!

-而最恐怖就係某女同事間房懷疑有嘢! 好彩發生喺最後一晚, 否則嚇死我! 話說佢瞓到約五點, 部電視自己開咗! 而最驚就係嗰度嘅電視suppose係一開就係威尼斯人台跟住先可以開其他台, 但佢部電視一開就係CNN台!!!

而最"唉"嘅係, 我哋住嗰時威尼斯人仲未開始lay off 人...真係難imagine佢哋而家嘅service會係點...