代課記. 第二天

三年級的同學選擇了睇戲.

由於有些場面對他們來說可能會悶, 所以我飛片飛走了.

同學問: 點解飛走頭先果段呀?

老師: 果段講佢地拍拖. 你地開始拍拖未呀?

同學(哈哈大笑): 未呀!

同學甲: 老師你開始拍拖未呀?

老師: 我開始好耐, 已經結咗婚啦!

同學甲: 我以為你啱啱開始拍拖呀!

同學乙: 係呀! 結咗婚啦! 老師戴頸鍊呀!

老師: 結咗婚不是戴介指的嗎?

同學丙: 係呀! 結咗婚戴介指, 拍拖戴頸鍊呀!

同學丁: X老師有好多款頸鍊架, 佢一定有拍拖!

不知他們會否以為X老師拍很多拖呢!

***************************************************************

雖然只是代課, 但也很容易觀察到班內哪一位同學是"眾矢之的", 被杯葛的.

代課班主任的那班有一位男同學常被同學針對, 他不斷投訴被針對, 而其他同學異口同聲說他很煩.

當然其他同學的行為是不對, 總是取笑那位同學的各種行為, 但通常被針對者是被評為令人煩厭的. 例如功課堂時, 被針對者傳了紀念冊的留言紙讓其他同學為他留言(他們是六年級), 過不了一會兒就不斷催促同學要還.

老師: 為什麼你要不斷催同學現在還呢?

同學: 我已傳給他們很久了.

老師: 但他們在做功課, 可以遲些才寫給你.

同學: 但我現在想看.

老師: 雖然你心急想看, 但你知不知你不斷催別人, 可能會令人覺得你很煩?

同學: 我只不過是想快些看.

針對別人當然不對, 但看來被針對者不懂與人相差, 只懂從自己角度出發, 又喜歡投訴別人, 於是同學更加刻意針對他, 成了惡性循環.