與腐液擦身而過

昨晚7:50,擲彈狂徒又現身旺角了,
這次不是近家樂商場那一帶的行人專用區,
今次狂徒向前移,
去到近旺角銀行中心,bodyshop那一段行人區擲腐液彈,
真的很嚇人耶,
而最嚇人的是,我昨晚也在旺角,
更是在旺角銀行中心附近,而且時間也非常接近!!!!
我大概係7:30-7:40pm到離開銀行中心果頭,
走咗去女人街入面d餐廳食飯,
之後食完,差唔多9點又行番去行人專用區近兆萬中心果段,
(但果段早前都係發生過事架吓!!!!)
果時我仲蒙吓蒙吓咁,仲未記起之前呢度都係攻擊目標呀吓,
直至返到屋企,聽阿媽講,
(阿媽仲要係大陸打番黎同我講,佢地仲清楚過我!!!)
先知道頭先爭d毀容,
嘩,真係好驚險,差d中招果個就係我啦~
好彩走得快咋,如果唔係受咗傷真係唔知點啦,
仲可能累埋細佬,因為尋日係我叫佢出去旺角食飯架,
如果受咗傷,真係我累佢既,到時一定俾阿爸阿媽剷到上天花板都未定,
而且我良心都會過意唔去,
雖然話男仔整親塊臉無女仔咁大鑊,
但始終累咗佢既話我身為家姐都唔安樂,
我自己就話抵死去果邊買嘢中招無得好講啫,
佢無啦啦去果度只係搵我食飯,仲要係我叫佢去既,
咁我都係間接既幫兇黎,
好彩無事啫~
所以希望警方快d拉到呢個狂徒,
如果唔係都唔安心去旺角,
最怕係自己老人痴呆,蒙吓蒙吓又去咗果度先死呀嘛,
我真係要好好提醒自己先至得!!!!!