網誌分類：旅遊分享 |
圖片
網誌日期：2009-05-03 11:11
來到行程的第四日了 亦即是要返香港囉
當日一早起身收拾好行李之後 就去車站買Shuttle Bus的票去機場 因為唔想太辛苦了 坐Shuttle Bus可以唔使將d行李搬嚟搬去 我同爸爸涵涵都會舒服好多
買飛之前爸爸見到呢幢大廈的外型好靚 同埋他說他好似沒有點影過相喎 咁就幫佢影番張先啦
之後我們就去了百貨公司逛逛 看看有沒有什麼禮物可以買囉 點知去到百貨公司又有Hello Kitty出現同小朋友玩遊戲 涵涵當然唔會錯過同Hello Kitty影相的機會啦 係日本Hello Kitty真係無處不在的
涵涵最鍾意玩的煮飯仔遊戲
又一次同心愛的Hello Kitty合照了
臨番酒店之前就去醫一醫肚先 今次我們又係去食拉麵 因為時間唔係太充足 跟住涵涵見到呢個味千拉麵公仔話要同她影相喎 睇落涵涵都幾似個公仔呀
歌舞技町街頭留影
因為唔夠時間所以我們冇去睇櫻花 同D假櫻花影住先啦 下次一定要親身欣賞一次先得 唔知幾時可以再去呢
眨下眼我們已經到了機場啦 涵涵都可知幾開心 不停的跳跳跳 笑笑笑 跑跑跑 擺POSE 真係冇佢咁好氣 不過見到她咁開心 做爸爸媽媽的都已經覺得足夠了
我們將要離開日本向香港出發了 回程的時候我們又是坐在58行 涵涵都不知幾開心 因為58是她最鍾意的數字呢
在機上她都非常的乖 只是靜靜的在看Mickey Mouse Clubhouse 只是到了尾段的時候開始有少少扭眼瞓 落機的時候仲已經冇哂力了
一出閘就已經見到大父係度等緊我們了 又一次的多謝大父咁夜都嚟接我們
終於今次日本之旅完成了 雖然不是十分的完美 但總算是一個開心的旅程 而最緊要係涵涵有一個美好的回憶嘛
期待下一次的旅程
Bye Bye
