網誌分類：旅遊分享 |
圖片
網誌日期：2009-04-21 10:29
其實由日本番咗嚟香港已經差唔多一個月了 因為懶的關係遲遲都未開始寫低呢次旅行的點滴 依家終於的起心肝好好的記低佢先 等第時俾涵涵回憶下嘛
今次係第一次同涵涵搭飛機去旅行 所以心情特別開心 而我們今次的目的地係日本的東京 原因當然係去東京迪士尼同Sanrio Puroland啦 而經過我考慮之後我們就決定自遊行 因為始終帶住小朋友唔想去度邊都趕頭趕命 好啦 我們出發啦
當日我們坐9:05am的飛機 所以6:00am我已經要叫醒佢倆父女起身裝身啦 好彩涵涵不嬲起身都唔使我粗心的 永遠都是一叫就起 何況今日係佢期待已久的旅行喎 佢當然非常之樂意起身啦 而一早6:30am左右公公婆婆已經到咗樓下接我們去機場啦 真係辛苦公公婆婆啦
到咗機場之後好快就已經check-in了 因為我之前已經係網上check-in咗啦 而我們今次就坐第58行 係涵涵小姐特別要求的
跟住我們就係機場大樓周圍逛逛 話哂都係第一次搭飛機嘛
我們今天的早餐
入閘之後食埋早餐仲有時間 所以就同佢去附近的play area玩一陣啦
佢今次仲帶埋BB去呀 因為佢話BB都未去過日本Disneyland喎 如果係咁你咪要帶哂屋企D公仔去 傻妹 所以我只准佢帶最輕的BB去囉
唔知佢又係度諗乜呢
佢每見到一架飛機就問我 係咪坐呢架呀 非常之期待
我們今次係4號閘口登機 呢架就係我們今次搭的飛機啦
上到飛機每一樣嘢都對佢都係新奇的 佢不停的問我呢個係乜 果個係乜 總之就開心到不了 而服務員姐姐仲送咗個禮物俾佢 佢一見到係Mickey Mouse Clubhouse就已經開心到不得了 一樣一樣的攞出嚟慢慢研究
飛機窗外的景色 天氣非常之好呀
初初我都有少少擔心涵涵係飛機上會扭計 但成個飛機行程裡非常之順利 完全沒有半點不舒服的感覺 因為始終佢有Mickey Mouse的電視睇嘛 你睇佢睇得幾投入 之後仲乖乖的瞓咗一陣 始終今朝太早起身啦 瞓醒之後就準備落機啦 Yeah!! Yeah!!
對涵涵嚟講應該係Tokyo Disneyland歡迎您呀
至於入境程序都好順利 因為我們有小朋友所以可以排快隊呀 始終有小朋友同行會比較寬鬆少少的 不過這只是我個人的意見
攞咗行李之後 我們就去搵JR EAST Travel Service Center買專為外國遊客而設的優惠 套票包括一張乘坐Narita Express由機場到新宿及面值￥2000的Suica (相等於香港的八達通) 只需￥3500 而涵涵是不需要付車資的 因為日本的小朋友係由6歲先開始俾半費車資的
我們就係嚟個月台度等Express 大約坐咗個半鐘就到咗新宿了 由於新宿是一個大站 所以我們都用咗少少時間去搵我們所預訂的酒店 好彩我們有帶BB車 如果唔係又要攞行李又要抱佢就慘了
無驚無險終於都到咗酒店了 當然要係酒店休息一下先啦
這是酒店外的風景及附近的地方
倆母女幾用心的睇書
休息一陣之後 我們就出發去池袋食晚飯啦 今次我選咗一間食Sabu Sabu的餐廳 是在Website上選的 牛肉同豚肉都可以 但就不是有太多選擇囉 但大致上只是一般 希望下次再試過第二間啦 真係唔好意思啦兩位
晚飯後就回新宿附近逛逛及影相
臨返酒店的時候 涵涵說要食McDonald 因為我們酒店對面就有一間McDonald了 所以就給她食了薯條啦 通常帶小朋友去旅行都會係食同瞓方面俾佢放縱少少的 而我們大人亦是啦
吃完後就回酒店休息 準備明天的行程啦
Tokyo Disneyland
