食極唔飽@金山海鮮酒家

地址 : 佐敦彌敦道219號莊士倫敦廣場7樓

訂坐電話 : 2376 3288

消費 :  $90 /人

芥末白墨魚片 - 煙韌有嚼頭

脆皮燒腩仔 – 皮就夠扑扑脆, 肉的部份肥肉比瘦肉多, 食落油膩.

沙薑雞腳

瑤柱琵琶豆腐 – 越食越覺得呢間酒樓啲餸菜好細碟, 連青菜豆腐都係咁.

蒜溶豆苗 – 炒菜一定係油, 這裡油份可以接受.

招牌雲英雞

份量夠大, 雞肉嫩滑, 鹹淡適中.

油鹽浸花甲 - 無沙, 湯辛辣惹味.

點解咁多殼既, d 肉去左邊呢?? 份量又係極少.

砵酒焗桶蠔 ($88/5隻) – 好彩 d 蠔焗好左都仲係大大隻, 無話縮晒水, 蠔算新鮮肥美, 呢度 2 份.

生炒糯米飯 – 飯炒得唔夠乾身, 完全無食炒糯米飯的煙韌, 好似食緊煮糯米飯咁.

金銀蛋黃帝菜

窩貼鮮蝦小棠菜 – 都係一般咁啦

辣酒煮花螺 – 味就好好, 夠味夠辣, 但我想問點解 d 螺細成咁o架?

味菜炒鵝腸 - 鵝腸肥糕多到嚇人, 唔信睇下相右下, 每條都係咁, 搵你食.

牛肉炒芥蘭 – 芥蘭好嫩, 好夾脆, 牛肉唔韌.

粒粒炒海鮮

餐單 :

芥末白墨魚片

脆皮燒腩仔

沙薑雞腳

生炒排骨

瑤柱琵琶豆腐

招牌雲英雞

油鹽浸花甲

砵酒焗桶蠔 x 3份

生炒糯米飯 x 2 份

金銀蛋黃帝菜

窩貼鮮蝦小棠菜

辣酒煮花螺

味菜炒鵝腸

牛肉炒芥蘭

粒粒炒海鮮

--------------------

約HK$1550 / 17人

===================

食後感 :

食極都唔夠係因為我地 17 個人坐埋一檯, 遂碟上, 份量又少, 一人一件都唔夠, 你話點飽? 食完友人要去食雞粥及糖水, 我? 難得出街食唔飽, 不知幾好, 7 成飽啱啱好, 以地點計這間酒樓唔算貴, 但以食物質量O黎計就唔抵食, 整體味道一般.