了結，解脫

話說窮鬼向我「爸爸」主發問：

「爸爸，爸爸，我唔識揀架，如果你想我忍耐留向呢度，你就唔好畀出路我啦，如果我見到有路，咁我就走啦！」

但係見完上一次果份工之後就無晒聲氣，我本來以為一定要我，所以再有第二間公司叫我見工我都推咗。

之後又有另一間叫我見，點知原來要講英文喎，我心諗衰梗啦。嘿，打完風，人事部又叫我星期二去地盤 second in 喎。咁個 PM 見咗我都成粒鐘架，之後星期三就有電話落實話要我喇。

搞到今個星期先簽約，但係張合約上面未有公司大佬簽名，佢地嘅解釋係大人物唔向香港，未簽到出嚟。講真我都無介意咁樣會唔會唔夠可靠，因為真係好想走，所以都照簽。情況有Ｄ特別，新工程係兩間公司合作，請我果間又唔係簽我果間，不過我都唔會理喇，首要係有份工可以畀我即刻離開而家果度嗟。

辭職信星期一遞咗上去，仲有三日就走得喇，我份長約只係七日通知期，我知道係「爸爸」一早幫我鋪嘅伏線，等我而家唔使咁慘坐一個月冷板！

大家都無咩講！子公司尋日已經即刻出廣告請人頂我個位，仲好，以後我唔阻人發達，我又唔會畀Ｄ小人激親！好好，好立克，好好，大家好！

呢頭以為無得郁，果頭無晒聲氣果間又話請我，不過我話佢地遲咗啦，我應承咗第二間喇！

都係爸爸安排，而家新工係新工程，唔使執人屎！之前第一次見工果度，但做足六日而且係執第三手手尾。

爸爸：

多謝你幫我揀呀！