新西

話說突然離開舊公司，對新工都係有ｄ心驚驚，因為明知個新地盤寫字樓未整好，但上任就去第二個地盤報到，都知會無咩搞齋坐。

第一到第三日都好ｄ，因為一到埗就先睇工程合約我負責果部份先，好彩向舊公司咩都肯做，對新工好有幫助，快手快腳同個ＰＭ講咗有咩文件要搞咗先。

之但係噚日開始就無嘢做喇，足足坐咗一日，都好，我驚部手提電腦有病，咪返到公司搞鏟機囉。都足足搞咗一日架！呵呵！

咁落去都唔係辦法，星期一要問一問個ＰＭ有咩安排先，皆因個老總話起碼１２月先可以搬去新地盤，唔通我坐足三個月？

最怕人地未夠三個月就炒鬼咗我呀！

－－－－－－－－－－－－－－－－－－－－－－－－－－－－－－－－－－－

講完公事就講吓ｄ雜碎事件：

契女阿妹向９月２９日生左個女喇，居然一日就出院返歸！

大小姐向９月２９日就去咗台灣，佢話今晚同我地做節同派手信畀我喎！

－－－－－－－－－－－－－－－－－－－－－－－－－－－－－－－－－－－

呢兩個月我諗住死梗架喇，皆因保費到期，死慳爛慳都未必夠，點知「爸爸」又安排咗份新工畀我，人工＋１９％，我認為都幫到少少啦，但係個心始終計來計去都唔多夠，噚日收到個政府大信封，我心諗：「死喇，仲要報稅？」點知原來係‧‧‧我都唔記得咗上個月報過學生資助，而家回信喇，初初我交文件果時都計過大小姐同我ｄ人工，頂多只可以申請半費資助阿少爺，呵，「爸爸」又安排好喇！得咗！

「爸爸」

多謝袮！

我每日都要記住袮，而家我學習緊將事事將袮放首位！仲要好好學聖經入面既事。

奉你兒子耶穌基督的名求

阿們！