網誌分類：講人講歌:外語歌 |
最近駕車聽收音機時,都會聽到政府的一段反性傾向歧視宣傳聲帶,內容講的是公司請人.
首先,聽到個女主管話:"這次面試Jacky表現最好,我諗住請佢,你點睇?"
個男下屬就答話:"佢好似係同性戀嚟架,不如揀第二個啦!" 女主管於是話:"咁點得架?公司要用人為材,根據政府制定既消除性傾向歧視僱傭實務守則,僱主在招聘;升遷;僱用條件各方面都唔應該歧視有唔同性傾向的員工." 最後男下屬只好話:"係既,我哋唔應該歧視佢哋,一於照你意思請Jacky啦!" 聽左呢段宣傳聲帶,我都有些欣慰,覺得現在政府起碼都肯企出來,去教育市民唔應該岐視同志. 當然,在商言商,工作始終係講表現,你做到野,公司一般都唔會理你係唔係同志.除非你成日將工作同你既性傾向混埋一齊搞. 不過,作為同志的都唔好以為當今社會好進步,因為唔歧視唔等於唔反對. 其實直至今時今日, 全世界只有七個國家係承認同性婚姻的.依先後次序分別係荷蘭(2001),比利時(2003),西班牙(2005),加拿大(2005),南非(2006),挪威(2009)及瑞典(2009). 而美國及澳州亦只係有部份州或省等通過承認同性婚姻,其中美國未計加州在內其實只得三個州承認同性婚姻. 加州原本已通過左,但因被八號提案推倒而要待法院審理,好可能係由有變做冇. 而英國只係通過左同居伴侶(Civil Partners)制度,唔算係允許同性婚姻. 不過同居伴侶制度算係個妥恊方案,因為要扭轉大多數人對傳統家庭爸媽角色的定義真係好難,就正如之前提議將同居同志包括在"家庭暴力條例"的保護範圍內,就引起好多爭抝.所以同志要爭取平等權利仲係漫漫長路. 我諗起上年中在英國推出的軒氏蛋黄醬(Heinz Deli Mayo)電視廣告,呢個廣告令英國廣管局收到200個投訴,不滿當中有同性同居伴侶的輕吻片段,結果軒氏在播出未夠一星期內就急急抽起左個廣告. 大家先睇睇呢個廣告,我幫佢加左字幕. 或者會問,如果兩個小朋友唔叫"媽"而改叫"爸",兩個同性伴侶唔輕吻而改為擁抱,究竟會唔會少番些投訴呢? 我唸,可能結局都係一樣. 因為投訴的重點唔只係話同性接吻太嘔心,最主要係話個廣告顛覆左傳統的家庭觀念,搞到作為家長的唔知點樣同小朋友解釋,好擔心班小朋友會接受左同性戀. 其實我估個廣告都唔係想討好同志,係班制作人想搞些幽默,大概的意思係:有左軒氏蛋黃醬做三明治,你阿媽都可變成紐約大厨. 呢個廣告放在承認同性婚姻的地方就冇問題,但英國仲未成氣候,放在荷蘭就調番轉,你去投訴話同性接吻嘔心,可能會負上針對他人性傾向作仇恨煽動的法律責任. 因為全世界第一個承認同性婚姻的就是荷蘭,佢地唔單止教班小朋友唔好歧視同志,仲教佢地要接受家庭中的同志成員,真正做到攣直一家親. 大家睇睇05年荷蘭電視台"兒童一家親"(Children for Children)合唱團唱的"兩個爸爸". 報道話,荷蘭1973年已將同性戀從精神病中删除,但要等到左2001年,荷蘭先至通過同性婚姻合法化,一共係用左28年時間. 而睇番中國,中國衛生局係在2001年先至將同性戀唔列為病態,照咁計,28年後即係2029年中國有可能實現同性婚姻. 咁即係話,中國同志等多20年就有同性婚姻. 咁我地香港呢? 香港仲保守過內地,咁大件事,梗係睇阿爺頭啦.
所以我想學蘭斯布萊克在奥斯卡咁同香港既青少年同志講:"我承諾你地,20年後,你地在呢塊熱愛的土地上,就會享有平等的權利."
呢間Brasserie Beach仲正，可惜佢地冇Spa，但係對Andaman Sea，Décor又Girly，女仕們去到肯定心曠神怡。 ...
Trump & Prejean.jpg
Heidi & Spencer.jpg
ricky martin.jpg
小閔 2009-05-27 00:02
Kimmon 2009-05-04 18:15
泰知訂2009-05-09 22:36
陳敬創 chong chan 2009-05-04 07:04
野人 2009-05-02 13:41
好多年前, 異性在公眾場合接吻都被視為嘔心.
大家應該明白嘔心只是個人主觀慣性感覺, 純粹只是NOT MY CUP OF TEA, 不是道德理據. 而歧視本身就是不道德的.
如果家長對子女有特殊限制和寄望, 應該自己去灌輸, 看看小朋友會否認同. 而不是用歧視意識來教育子女. 用損害別人尊嚴來教仔, 阿仔會習染不尊重不思考的習性, 變成低等民智一族.
泰知訂2009-05-09 22:44
黃建東@香港話劇團 2009-04-30 23:21
hey you, yes, my profile and frontal face look quite different, I guess.
I think one day U.S. will pass same-sex marriage. They have to.
泰知訂2009-05-09 22:56
DAI ADORU 2009-04-29 08:27
泰知訂2009-05-09 22:58
JOE L 2009-04-29 00:30
活活 2009-04-29 00:24
泰知訂2009-05-09 23:02
Alien 2009-04-28 22:44
泰知訂2009-04-28 23:55
Alien 2009-04-28 15:15
我就冇乜諗過, 只要自己開心就得啦!
唯一有過就係點可保障另一半.................
泰知訂2009-04-28 22:28
火熱動感老虎仔 2009-04-28 14:39
至於荷蘭合唱團唱的歌...好像這國家比較接受....
其實係香港...我覺得真係好保守...就算我大部份家人或99% 朋友都知道...我都不敢讓公司知道....
亦見有些人知道後遠離....但香港是和平地方...也沒有因為歧視而做出暴力行為...反而異性虐待和侵犯個案就越來越多....
我覺得活得開心便夠了...別人的眼光我改不了....只希望他們會尊重別人就可了...
泰知訂2009-04-28 22:23
Swedish Hongkongese 2009-04-28 05:34
其實我一直都以為瑞典對同性戀無乜歧視，但原來都唔係的。最近睇左一套叫Patrik 1,5 既瑞典戲, 係講兩個同性戀者 (套戲拍既時候瑞典仲未承認同性婚姻, 兩個男主角不過係Civil partners), 佢地去左一個市郊既小鎮到定居, 後黎仲領養一個細路仔. 其中, 呢套戲入面講出左呢對戀人係小鎮度所遇到既歧視. 例如D人以為同性戀一定鍾意搞細路. 導演沒有刻意用悲情既手法去敘述呢D既歧視, 只係講出對同性戀者既歧視往往都係日常生活中出現.
我問過部份瑞典人, 佢地都話有歧視存在. 試過有個出櫃的國會議員係街度比人打, 又試過gay parade 之後有d同性戀者被人伏, 被人打到七彩.
最近睇到Wikipedia 入面既資料, 講原來中國共產黨最近都有討論過同性婚姻, 不過最後被否決. 但係有樣野值得一提, 就係反對既人唔係絕大多數, 有相當部份既人係支持議案的. 反而有時覺得香港人太保守, 唔好講結婚, 就連建立家庭暴力條例去保障同性戀者, 都有咁大反對嘈音, 就知道香港既情況係幾咁糟糕!
泰知訂2009-04-28 22:10
據分柝話,承認同性婚姻的國家一般人口比較少,教會影嚮力比較少,真正做到政教分家.我覺得中國係有機會做到的,只要當西方大國都承認時.
香港政府領導人唔係民選出來,唔係強勢政府,邊夠膽行得咁快.
歧視當然日日都有,不管我地身處何地,不過安慰的是,香港就少有呢類的暴力事件.