九降風 - 林褀泰之"狗臉的歲月"篇

電影痴的網友Kenji Chan在"影畫絮語"網上影評中,將台灣"九降風"的男生同香港"烈日當空"的比較,佢話:"講演出,香港的出色好多,但講樣呢,就台灣的靚仔真係比較多."

雖然靚同唔靚好主觀,但一般來講,靚同Fans數目應該係成正比的.

咁知唔知"九降風"中邊個最多Fans?

我地可以根據YouTube紀錄,睇下佢地的介紹篇有幾多觀看次數就知啦.

結果係:

第一名係飾演阿昇的毛弟,觀看次數超過35,000次.

上: 毛弟在戲裡個樣好純,佔戲唔多

其實,毛弟咁多Fans都係因為棒棒堂的關係,佢係棒棒堂王子既親細佬,亦係模范棒棒堂成員,所以,佢知名度贏足一條街,同個樣無乜關係.

第二名係飾演阿行的王柏傑,觀看次數超過21,000次.

上: 王柏傑扮相粗豪,亦係佔戲唔算多,相後面兩個至係主角

雖然佔戲唔多,只有一場火爆演出,亦冇乜名氣,但受歡迎程度卻高過第一同第二男主角,証明佢果種形像好受落,係呢套戲的大贏家.

第三名係飾演阿彥既第二男主角鳳小岳,觀看次數超過17,000次.

上: 鳳小岳在戲中係大阿哥,初段佔戲唔少.

鳳小岳係混血兒,典型的帥哥.作為第二男主角都輸左少少比王柏傑,都算有些意想不到.

第四位先至係第一主角,飾演小湯的張捷.觀看次數只有13,000次.

上: 張捷的戲份最多,但唔算討好

張捷比較清秀,演戲資歷最多.不過一直都係參予同志圈內人的制作,細細個就被選中左去演出電視劇"孽子",佢做主角范植偉飾演的阿青既童年角色,之後又拍過李康生的"不見",蔡明亮的"我的臭小孩",都係屬於小眾既作品.難怪Fans唔多.

睇睇拍"不見"時的張捷.真係好瘦.

上: 張捷在"不見"的劇照,呢套戲超級慢,悶到我差點睡著

跟住的係飾演阿超的林祺泰.佢既觀看次數只係9,000次左右.

上: 林祺泰飾演的小超,角色中有較多感情戲

綽號"鬼塚"的林祺泰在戲中係暗戀著阿彥的,因為表達得比較含蓄,可能大家睇過套戲後,都未必會感覺到.

所以或者會有人認為呢些同性暗戀講法又係我呢類有心人自己想像出來,話我污染左人地套二B級片,之不過,林祺泰果套介紹篇佢自己都係咁講,証明唔係我一廂情願的諗法.

林祺泰拍"九降風"前,原來曾經拍過陳昇"狗臉的歲月"的MV,佢又係做一個暗戀好友的少年同志,唔知導演係唔係因為呢個MV先至搵佢做阿超的角色呢?

上: 林祺泰拍"狗臉的歲月"時與陳昇合照.

唔好睇見阿昇哥個樣咁搞鬼而覺得出奇.自從02年被人在酒吧扑穿頭,大難不死後,佢就豁左出去,好快樂咁做番自己,到處演出,頻頻出專輯,年年做誇年演唱會,變得更加豪放不羈,更加冇乜禁忌.

唔信可以睇睇佢最近上電視同主持人大玩狗仔姿勢,你就知昇哥幾咁搞野.

上: 陳昇事後解釋: "呢個姿勢係一只狗受傷,另一只狗要背牠去醫院."

其實,陳昇好多歌都將男人寫得好溫純同埋好軟弱,好似唔願長大咁,永遠懷著青春咁.佢尤其鍾意寫少年的情懷,例如"20歲的眼淚","少年夏不安","塔裡的男孩"等等.我成日都覺得陳昇對年少時既情結好眷戀.

所以我估我都幾明白阿昇哥,就算好多人成日都問:"點解陳昇對劉若英咁刻意的不在乎?",我都搵到答案,因為我一早就覺得佢地係電影"夜奔"裡面王磊同劉若英咁既關係.

雖然,呢個講法就真係我想像出來的,但都有些根據.

王磊在戲中係個學西樂既大提琴家,一心同劉若英結婚,後來迷上左個崑曲裡飾演林沖的武生,發展了一段因為唔敢接受而最後遺憾終生的感情.

就係因為昇哥又係音樂人,又係鍾意戲曲,又係劉若英,所以我覺得王磊個角色就係寫緊陳昇.

點解我話陳昇鍾意戲曲?

因為佢之前有首"One Night In Beijing (北京一夜)",在最新專輯"美麗的邂逅"裡,佢仲整多兩首"牡丹亭外"同"賣水"添.我唔知點解,事實係好多同志都愛"北京一夜".

都係介紹番"狗臉的歲月"吧.呢首歌來自陳昇的專輯"這些人,那些人",聽個專輯名我就知昇哥又要講故仔了,今次係講一個捨不得一段少年情誼的小兵哥,最後選擇了拒絕自己的成長.

講講個故事先.

那一天,他們趕上了小貨車,疲倦的他不經意的躺在阿呆肩上,阿呆沉醉在無拘束的這一刻,暗暗感到像魚一樣的舒暢.

大伙兒一起的時候,爽朗的他總愛坐在阿呆旁邊,縱然當兵的生活像狗一樣的歲月,阿呆卻感到這是天堂.

他總帶著笑容,沉醉於音樂中,阿呆總愛載上帽子,暗暗遮掩著說不出口的情意.

那一天,天特別的藍,他們接到了退伍令,帶著希望歡顏的他對阿呆說,他終於可以出國了,他要去找尋他的夢想.

阿呆卻沒有為他高興,只想問為什麼年輕的身軀要有這麼大的夢想,只想到要回老家,只想永遠依偎在他身邊.

那一天,閃亮的天空藍得另人心痛,阿呆拒絕了自己的成長,美好的青春歲月在瞬間幻滅.

再睇睇故事中的阿呆與他.

上: 拍攝"狗臉的歲月"時的兩個主角,左為林祺泰飾演阿呆

終於可以去片了.

上: "狗臉的歲月"的MV

"相見之期不遠,只因浮生如夢".

歌曲讓我回想起那年少的純真,那狗臉般的經歷,那曾經天堂的日子.常常覺得成長的烙印永是無法洗去的,一切一切總會在夢中再現.

雖然人地話林祺泰演激情戲好傳神,而佢在"九降風"宣傳時已澄清佢唔係同志.

林祺泰亦有份演出超級電視劇"籃球火",呢套劇由言承旭,羅志祥同吳尊三人擔綱主演,簡直係夢幻組合,林祺泰飾演佢地霹靂隊的隊員,都算係劇中排名第五位的男演員.

幫佢賣個廣告先,你睇佢個樣比"九降風"時靚仔幾多,仲有183cm高添.