不能說的．秘密

能遇見你, 已經很不可思議的了......

周董第一套執導既戲，竟然今日先睇，真係慚愧，枉我仲成日叫佢老公．．．．．

以沒有什麼期待的心情，按下一個 play 制．．

一路我都以為呢套係普通愛情故事
諗住係周董點都要睇架啦
開始時既甜蜜初戀式既情節，雖然有少少平凡，
但拍得好 sweet，好清新，環境又美得令人出神

一路睇都認為係一套好ｓｗｅｅｔ既愛情片
未知結局既時候, 有少少覺得個女仔講野有 d 造作
問首歌都話係不能說的秘密...
當時仲以為... 有咩秘密呢, 呢套戲又有咩秘密呢
心諗係咪故弄玄虛呢....因為一路都認為只係愛情片
所以只係估.. 可能佢係有老公架呢, 又可能佢係有絕症架呢...

女主角一路都好似有 d 難言之隱, 又成日無啦啦唔見左
我就開始估.... 佢有絕症? 就黎死? 如果係.. 就未免太老土了

直到套戲既轉折點---有人透露原來冇人見過條女既
跟住周董諗返所有野既時候...
我衝口而出．．．"下，鬼黎？！"

到到o係枱上面寫途改液果一幕
我覺得勁恐佈！
本來係房熄左燈睇的，我驚到即刻開返燈！真係即刻心寒．．．
周杰倫佢驚到手震成身都震哂, 但係又好緊張好想寫返 d 野比條女.... 佢呢一下真係演得好好, 果種恐懼, 恐懼得黎又愛...... 希望 d 人唔會再覺得佢冇演技啦

要到後尾解釋返個故仔, 先知道原來頭半段所有既細節都係伏線, 好多以為無聊既細節原來都係有意思有原因.......所有野都變得合情合理, 而且仲非常之細心, 小雨彈琴時天地變色將時間飛快起去到二十年後, 果一幕襯埋 secrect 呢首琴聲..... 好淒美!! 好正!!

到最後周董跑返去琴房彈返個琴, 睇到勁緊張, 渣實拳頭.....
果個畫面實在係好震憾呀! 拆樓...所有野都 lum 緊落黎,
佢不顧一切, 只專心彈這曲配襯埋激昴既琴聲
太令人感動!!
但我都未喊住, 因為太緊張
好彩最後佢都趕到返去, 一見到小雨果下, 我先喊左出黎.......... 收唔到聲.....

最後終於見到小雨, 但係小雨個樣咁奇怪既, 好似唔識佢咁..
後尾上yahoo 睇返 d 影評先知
原來周董彈琴時因為唔夠時間, 層樓lum緊, 個大鐵波又撞緊埋黎, 所以佢彈得快左, 快過小雨......所以到佢返到去廿年前, 早左少少, 早過小雨搵到本琴譜的, 所以當時小雨仲未識佢的...

嘩~ 連呢一點都想到....... 真係............

完場時, 我真係不自覺咁講左一句．．．

"周董............你真係好勁呀！"

第一次做導演竟然就有咁既功力．．．．．

忍唔住, 再返睇一次...
因為想睇返之前唔太留意到既伏線
原來有好多極細微既位佢都有表現到的..

例如....
小雨見到黃秋生時 "呀~" 左一聲..... (因為係 20 年後見到個自己識既人... 正路如果平時見到個老師唔會驚奇吧)
小雨未食過雪糕... (因為哮全)
小雨問周杰倫你爸爸做咩架, 佢答.."下你唔知道咩?"
小雨有一次第一眼見到係晴依, 所以鬥琴時周杰倫見唔到佢, 第二日周仲講左句.."乜你有黎咩?"
小雨彈 secret 時好快, 周生叫佢唔好咁快, 佢講左句..."我回家時都係彈咁快呀"

本來我有d唔鐘意桂綸美, 覺得佢個樣怪怪
但係睇完成套戲先明白點解要揀佢, 佢完全就 "係" 小雨呢個角式, 佢唔係 "似"... 佢係 "係"
 除左佢冇第二個人岩做呢個角式, 係果種氣質問題....

仲有成套戲 d 配樂都係超好, 甜蜜時既輕快, 緊張時既震憾, 所有琴聲都係咁好聽...
鬥琴果一幕, 精彩絕倫
歌好聽, 琴彈得出神入化
而且呢幕絕對有用, 因為要帶出周董係任何歌聽完一次就可以一音不差咁彈返出黎......
後來佢可以冇左琴諎而彈返成首歌出黎 回到過去就係咁解~

仲有周董跳舞果幕我睇到尖叫呢, 哈哈, 佢未試過咁生鬼呀~

仲有成套戲 d 昏昏黃黃既燈光, 初頭令人覺得浪漫, 後尾就覺得係淒美, 超靚, 超級絕!!!!

我讚到冇得再讚了
總之我心情仲好複雜, 好回味...........

我太鐘意呢套戲了