新一年.....又是做art既日子

成個月冇打blog lu 好明顯真係忙到痴線

其實早知d今日又何必當初呢

但諗返轉頭

如果上年已經開始做

一定唔會做得咁好

因為往往係最緊迫既時候

做出黎既野都係會最好最精

其實咁樣幾好吖,做開有條癮一次過做晒佢

而且我都好喜歡呢種一大班一齊趕工果種感

呢幾個星期我地一班收art既同學都熟左好多

而且我地唔會計較

叻既唔會咁自私,反而會教你做甚至會幫你手

講真我地art班有好多人都唔識畫畫

只係唔想溫咁多書先讀art

但佢地都比我地呢班勤力既又識畫野既人感染左

就算手工好差,唔識畫

我就死都要教到佢識

令到佢地開始鍾意左art

而且努力左好多

令到我地整體既作品都唔差

連最差果d同學既作品

都比上年令

原因就係我地唔自私,唔怕佢地渣,同埋士氣

如果其他科都係咁就好啦

有啲似係戲劇上得到既滿足感

雖然真係好攰好攰

但每一次帶新既作品返學

得到同讚賞認同,已經係最大既回報

有一次我拎住塊板畫返學

好搞笑.....

有個我唔識既女人狂望住我

我仲以為咩事

過左一陣又撞到佢

佢就衝過黎講左句:好靚呀幅畫

雖然比佢嚇親

but......真係好開心>< 甜到漏

係咪奇怪我唔做art係度打blog呢

咁吊頸都要抖下氣架

我已經好多日冇訓架啦

成個腦實晒

仲攰到呆晒

唔做下其他野真係會一死

而家已經做左5份4啦

只要挨埋佢就得啦

Miss仲話我應該可以攞 B 彧  A 添 ^ ^

希望努力後可以取得好成績啦

我諗到左最後呈交作品比考評局時

我會好唔捨得

好啦 ~ 我要keep going add oil la ,yeah!!!!!