返工、病再返工再病...

6月28號考完試理應好free, 但由於有好多6月欠落既應酬咪諗住係7月還囉!而還完 “債”就應該得閒去亨受一下我呢個只得3個幾星期既term break, 點知公司突然派我做reliever, 總之做替工，仲要係替成個月既開荒牛位，如果計seniority我係最junior, 點輪我都應該輪最尾，但由於其他senior過我既同事都有藉口推搪; 如: plan左要o係summer放大假等原因，所以變左係我。其實喺呢件事上面可以睇到各人自私既一面! Admin.既安排好癈、又見到有人唔想做reliever而喺我面前黑面等….見到呢啲猙獰既面孔都令我好頂唔順! 真係個個面上都寫住 “人不為己、天誅地滅” 係你戇居遮!

其實做呢個reliever位要serve 個好senior既老闆，所以個個耍手擰頭而我喺 “No Choice” 既情況下都要去馬啦! 其實正面啲睇serve個咁senior既老闆會gain到好好既work experience但係壓力真係好大，因為超多野做! 總之，唔可以做錯同埋…..唔可以病!  好衰唔衰上上個星期五開始作感冒，咁喺翌日之後既星期六即刻去睇醫生，而醫生俾左2日藥，表面上好似好番，無再流鼻水、喉嚨痛同肌肉酸痛，點知過左1日就開始咳同好多痰，好不辛苦，我發覺呢個係我必然既併發症，每次感冒過後我既氣管就出現問題，真係好煩! 而家好似返5日工跟住逢星期六睇醫生，跟住不斷瞓覺…..呢啲咁既生活真係好dry好討厭!好似由剛過去既星期5同琴日咁, 我諗我都瞓左成20幾個鍾，啲藥真係令我好drowsy囉!

本來serve個咁senior既老闆真係一個好好既work experience同埋我都好勇於迎接挑戰，但係喺咁既身體情況之下，真係好難頂!!

仲有成3個幾禮拜要挨, 真係挨架，因為做開荒牛位仲要搬搬枱枱，真係就算有acting pay咬落去都係有血有汗! 救命!