任性

書展, 漫畫展, 美食博覽, 已成為每年暑假香港人的重要節日.

一般來說, 在會展這種國際性的場地舉辦展銷會, 其目的都係尋求經商的機會, 即係外國的買家會來搵供應商買貨返老家賣, 供應商來等買家來做代理.......諸如此類.

但係呢三個展覽的對象到今時今日已經演變成為直接對消費者, 搞到成個大撻地咁........

尤其是今年美食博覽更讓人有此感覺....以前是由經大門口直接入會展新翼, 好不豪華. 但今年因裝修關係,要由停車場那邊入, 好似好鬼鬼祟祟咁.  再加上好多為了掃平貨的家庭主婦拖住個喼準備大買特買, 整個感覺, 實在和瑰麗的會展格格不入.......

我就從不為了掃平貨而來, 嚟美食博覽都係為了睇下有冇新奇而平時冇得買既嘢食.  所以就算經過什麼什麼大特價, 都可以置之不理.

直至行到益力多個攤位為止.

那個"Live Lactobacillus Robot", 即係益力多機械人, 太正了, 廿五蚊連一排益力多, 買!

去到出前一丁的攤位, 一套所謂特別版清仔碗筷套裝, 盛惠一百大元, 但這不是重點, 重點係包"出前八丁", 即係八包出前一丁包埋一包, 實在太可愛了......買!

既然咁都買得一餐, 於是之前所緊守的, 都失守了....埋單買了四百幾蚊嘢.....

其實都唔係買咗好多嘢......

而呢包就係所謂的"出前八丁"喇.....

原來用於漫畫展的銷售方式, 在美食博覽都有用...........