有發生過

近年不知痴了什麼根, 覺得個人比以前多愁善感. 以前就算預著什麼大事件, 都係沒有什麼感覺; 現在, 就是一丁點的小事, 只要那條根發作, 就會有一團熱衝上來, 想做點什麼以降降火....

至於今天, 那條根無端端又發作了, 於是便做了小弟平身的第一次........投票.

看過今次有關選舉的報導都係講氣氛比以前差, 初初小弟都覺得係; 但晚上十時走出家門到票站, 沿途都沒有人走出來拉票, 其中仲有團隊收旗收檔, 不是吧? 仲有半個鐘, 就放棄了嗎? 

走到票站, 投票的人真的不多, 眼見的只有兩個, 首先看到的是有個架掛著侯選人的資料, 當然係冇人睇啦, 而我都冇停下來, 直接走到接待處核對身份証.  這個接待處以身份証英文字母分開好一個個COUNTER, 大約有六七個COUNTER吧. 走到埋去, 才發現他們係用人手用手上的LIST來核對資料! 有點似去飲的時候核對出席嘉賓的感覺呢! 心想: 為何不用電腦?? 怕停電嗎??

核對完資料, 票站的人員便給我一個連著投票方法板的印和投票表格, 及帶我到填表的地方. 填表的地方是一張長檯, 用硬紙皮分隔著.  投票的表格有一張A3紙咁大, 印著所有團隊的相及名稱, 都幾精美的.  用那個印印了自己想選的人後, 便投了投票箱, 離開會場....

整個票站裡的人都好好禮貌, 又有笑容....梗係啦, 有嘢做, 唔洗悶嘛. 在票站外, 那些似乎是調查員的人也已經坐埋一邊閒談, 等收工了.....

投完票, 小弟的感覺是其實都唔係氣氛差, 而係直情沒有氣氛!  不過, 總算完成了一件想做而值得做的事, 滿足了.