無奈

當年佢地將整個攀山隊一開二，變成今日嘅Ａ隊同Ｂ隊，目的就係等我地自己人同自己人鬥，不過，過左十年班高層發現佢地嘅計劃都係唔理想，（因為我地都係咁團結，一樣都係掛住為市民而唔收工，）

十年後嘅今日班高層又玩野，又將Ａ同Ｂ隊合二為一，當變返一隊後就將最好經驗同技術嘅隊員調去訓練組，

班高層嘅目的，唔係真係為左訓練現有嘅攀山隊員，而係去訓練一班來十二個月嘅基本隊友（而佢地又唔算係暫借隊員喎，因為佢地要做返平日嘅區域工作，有call out的話，依班人可以唔到都得喎，）

當十二個月過去後，而班基本隊友就會返回自己原本單位，做返基本嘅服務，不過依班隊友唔係淨係學攀山嘅野，佢地仲要學其他野，咁嘅講法，佢地實則只係學５﹣６個月攀山嘅野，加埋都係得十一,二個全日訓練（如果無計錯數），其餘個６個月就做高級少少嘅搶救，

咁６個月教佢地用地圖同基本嘅個人保護技術都未夠啦，班高層係為隊員定係為自己架，

當然開多一個訓練組，就自然多左Ｄ官位，睇落人手就多左，不過又有幾多人係可以真真正正咁，可以係山崖上處理都要幫助嘅人，

成個故事，我只覺得係班高層為方便同政府交數（人手多左又可以同政府拎多Ｄ錢，但人手多左做唔做到野就其次，佢地有錢後就又可以開宗明義咁搞對自己有著數嘅野）第二又可以壓迫我地要我地聽聽話話，第三，就係班高層成日都想左好耐嘅野，就係迫班深資嘅隊員走，（因為依班深資隊員，知道得太多依班高層當年做細官時，做錯同做漏嘅野，簡單Ｄ講，班高層就係想滅口）

輔助部隊都搞成咁，香港政府咁大未仲亂，睇來一日唔換過話事人，我地都唔會有好日子過，