第十期暫屬隊員解散前考核營,II(完結篇）

29號一早0730大家如常做早操, 先離基本熱身之後就跑下馬路,

到左0900佢地就開始考試, 野外定向(主要係考佢地對地圖及指南針運用, 以一人一組方式出發, 而係部分定向坐標會有我地既人附責簽名核實以防有人出貓, 全程十六個定向位中就有三個加簽位,)

今次我地就用西貢海下營地既野外定向坐標物,( 因為個道既坐標物係永久性, 任何人都可以玩, 真係要多謝有關人仕既大方, 等大眾有機會參與定向活動,)

整個過程由0910由海下村士多起步, 每隔一分鐘出發一組, 分順向及反向行(避免有人抄前人功勞), 到0950就所有人出發哂, 到左1200時仲有幾個未完成考核,( 因為連我都唔知佢地做緊乜野, 似行街多過揾野, 加上大會預計時間以到所以就暫停左佢地既考核, 因為佢地要1230前返回起步點,)

最後我地, 最尾一班工作人員係1300返回大灘營地後, 就準備宣佈定向頭十名最高成績既隊員,( 當然依十名隊員, 都有D小禮物獎勵下喇), 之後比小小時間班暫屬隊員, 影下團體相或同個別教導員影相, 

係1345左右就上車返回總部,1430左右, 大家就返到總部, 落車後就同佢地講, 依家會同你地分兩批, 第一批(1同2隊) 上樓清理好借用既儲物櫃, 而第二批(3,4隊) 就交還借用既個人器材, 當大家完成哂兩樣工作後就上課室做最後一次行動後簡報,

1630左右, 大家完成哂工作後, 坐係課室中隊指揮官就講左幾句野後, 就宣佈山嶺搜索及搶救中隊, 第十期暫屬隊員, 正適解散, 由明日起各自返回原有中隊報到, 繼續服務市民,

後話:

係依十八個月裡面, 依班暫屬隊員為我地帶來不少, 喜,怒,哀,樂,

喜係睇住佢地都算學到少少山嶺知識, 無以前噤頭蝦,

怒係依然有人講極都唔聽教導, 自以為是,

哀係睇見佢地身體上都有不同情程度既關節傷,( 基本上做得搶救員都一定有唔同情程既關節受傷, 我亦唔例外,)

樂係佢地每次行動及訓練時, 烏龍百出為我地係緊成時帶來少少歡樂,

有時我寫佢地係行動或訓練時既野, 都好難以筆墨去形容, 此終大家唔身到現場好難去感受到當時既氣温

註: 由於YAHOO,BLOG每次只可上傳二十張相, 所以有大可以去相薄睇相,