好嬲呀!

話說我一向都有班朋友係以前做 summer job識既, 一直都會一個月 or幾個月有飯局既, 不過近呢幾年我越來越少出席....

1st - 唔知係咪人大左再加上自己性格既改變, 而家既我變得內向左, 唔 like出席咁多飯局

2nd - 好似同佢地越來越少野講咁, 心事就更加唔洗講

3rd - 好多時等齊人要成9點, 第日又要返工, 真係唔想咁夜, 中間個幾個鐘返屋企又唔係, 係街行又唔想

之前有一次, 我 promise左去, 但係去前, 突然覺得頭暈, 冇去到, 返到屋企休息左陣, 見冇咩事咪上 facebook玩, 之後就俾佢地話我「詐病」, 「放飛機」, 之後既飯局佢地又拎返出來講, 都算 la!

今次佢地約左上個星期四, 我一直都冇答覆佢地, 因為其實我唔想去, 之後我有兩個 best friend + 小學同學約我, 我真係勁想去, 就答佢地我唔去佢地個度, 個晚同小學同學傾得好開心呀, 返去係 facebook多謝佢地, 之後又惹來佢地既單單打打, 又話「個 d係你既朋友, 我地唔係咩?仲話你咁樣, 第時你結婚, 都唔知去唔去好! 」(我真係頂, 你想去, 我都唔請, 因為我一直都話左唔會擺酒, 就算擺, 我會唔會為左你地既人情而屈服參與你地既飯局呀?唔通我會衰到唔同你地見面, 婚前就掟炸彈咩?你地咁睇我!!!!)仲要講:「唔擺酒, 唔似你 wo 」(我頂頂頂, 你仲話係我朋友, 你咁講係咩意思呀??想暗示d咩呀?一個內向既人會 like出風頭?咁樣你仲話係我朋友??根本一d都唔認識同了解我), 我亦都好老實咁同佢講:「你地下次個 d聚會可以唔洗叫埋我, 我去到都冇野講, 又唔明你地講咩」之後仲要俾人講「你唔明, 係因為你成日都唔出席」我真係啤一聲!

其實近呢幾年真係想同 d真係真心既 or 傾得心事既朋友聚會, 同佢地呢 d酒肉朋友, 我真係覺得好浪費時間, 仲要俾佢地單單打打, 我真係好唔想再同佢地有咩來往, 但係好耐之前 promise左其中一個朋友做姊妹, 仲要係 confirm左個隻, 推人地又覺得好衰, 但俾佢地咁講, 我真係唔想再對住佢地, 我同同事講呢件事, 佢都覺得我 d朋友好幼稚, 但係都覺得我 promise左人, 就應該做

有時我又會想, 佢地講我點樣點樣, 但係佢唔當我朋友都唔會找我做姊妹...唔當我朋友就唔叫埋我去食飯??真係好煩, 係咪真係要違背自己既意願繼續去同佢地做朋友, 做姊妹??我又唔想因為怕左佢地既說話而去出席之後既飯局, 因為說實在, 我真係去得唔開心!