年~~~~又過年~~~~

　　由於時間關係，我做果間老人院攪親團年飯，都係會早一個星期攪的。不過新年未到，都已經有好好氣氛，除左有一班全程投入的同事之外，仲要有一個好好的場地佈置，工作人員的服飾，充滿節日氣氛的音樂，好玩的遊戲，好看的表演，好味嘅野食，流暢的程序，咁樣先可以攪到一個正斗嘅節目。

比張相大家睇睇先


　　我地暫且唔好留意左手邊果個死肥仔先，隔離果個靚女同事，就完完全全做到以上的要求，講真啦，我同佢一齊影相果陣都已經好開心，睇到我笑到烚熟狗頭咁樣就知啦，好可惜佢已經名花有主呢～～～

再睇睇下面呢張


　　拿～～～呢ｄ咪就係Ｐｒｏ囉。如果閣下見到呢張相之後覺得頭暈身興的話，唔好意思，我幫唔到你呀。其實上年我都扮過財神，不過我就死都唔會戴果ｄ假隻鬚囉，點解？咁多人用過，我唔想同其他麻甩佬間接咀咀囉，諗起ｄ鬚真係有ｄ想嘔。

　　所以一個成功的活動，最緊要就係一個字，「放」，只要工作員可以全程投入，咁樣成個活動就會好有氣氛，有氣氛就萬事足啦係咪～～～～