近來

　　第19日，由於工事太忙，再加上連病幾場，又遇到了瓶頸，所以我嘅小攪作要放下一陣，休息一下先希望過多幾日情況好返ｄ，可以再繼續開工

　　我一直都好想寫一個既不幸又悲慘加上又自毀不值得別人可憐的人，如果一本小說，硬要將這個人寫成主角而又受到讀者歡迎和接納的話，我想我會寫到髮線完全向後移都唔會成功，所以放棄左幾個念頭，從比較正常小小的角度去寫，最起碼唔好寫寫下變左寫自己啦

　　不知到各位ｂｌｏｇ友近況好嗎，今日寫ｂｌｏｇ感覺尤如仿如隔世，好多時候都想，如果ｙａｈｏｏ會攪一次全港大型ｂｌｏｇ友聚會，我想都會令人幾興奮，當然呢ｄ事係冇可能發生啦，發下夢都可以嘅

　　近排我都有睇ｂｌｏｇ，有好幾個ｂｌｏｇ友都沉寂了下來，可能太忙了，大家都好辛苦咁，而我亦都不例外，我間中都有睇下自己個ｂｌｏｇ嘅最近訪客，發現了不少的新ｂｌｏｇ友到訪，感覺好奇怪，原來我這個爛ｂｌｏｇ都仲會有人黎睇同埋回感，真係多謝晒

　　今日終於可以休息一下，寫下ｂｌｏｇ，不知為何，感覺一日比一日過得特別快，可能係太忙啦，９小時的工作時數，好像轉眼間已過去，今日好不容易將自己個死樣ｋｅｙ上去一朵花花上面，為求攪下笑（驚嚇），好讓個ｂｌｏｇ會有小小新鮮感啦～～