台北三天兩夜2009 - DAY 1

**係時候打番之前既野喇, 如果唔係我就唔記得架喇!!**

2月27日, 星期五, 媽媽生日既大日子~

亦係我第二次向台灣出發既日子,

出門口時沖沖忙忙同媽媽講左句"生日快樂"就走了!!

今次既旅程係我同一個好朋友一齊去,

第一次同朋友仔去旅行!! 期待~~

果日我地撘的士去機場~ 撘11:30機出發~

中華航空既飛機比我想像中好喎~

去到台灣就搵國光號去酒店CHECK-IN先,

我地今次住台北車站既凱撒.....

雖然話係4, 5星級既酒店....但係房間真係幾殘!!

個廁所仲有D恐怖添....唔會再住!!

放低D野之後立即出發~

第一站 -- 淡水

捷運站有我最愛既S.H.E廣告, ELLA仲係拉我愛既小提琴添呀~~ 正!!

因為轉車....等緊車無聊都係影下相架喇!

點解香港冇呢D告示架呢??

到達淡水~ 幸好, 冇落雨!!

必行"淡水老街"~

知唔知呢個係咩呢~~~

係抓娃娃機!!! 卡娃E呢~

之後行左個零鐘就番出去喇....

我地下一站係 -- 美麗華摩天輪~

呢排煲緊既"愛就宅一起"廣告呀~~~ 大東好型呀!!!!!

終於到美麗華了~

呢個摩天輪真係幾靚既....如果佢會變色就好喇~

晚餐都未食...我已經急不及待去食雪糕喇!!

我朋友仔話呢隻雪糕 "COLD STONE" 係美國品牌, 好出名架~

我食左個薄荷黑巧克力~ 真係好正呀!! 仲好飽添呀!!

呢個成日拍劇既地方.....

之後我地再去下一站 -- 師大夜市!!

係我朋友既台灣朋友介紹之下,

去左呢個食雞既舖頭食飯~

佢果度D雞好似氣鍋雞咁架~

呢個係我既麻油面.....真係好麻油!!

我朋友仔終於出現喇~ 哈^^

一個雪糕加一碗麻油面已經令我好飽~~

所以係師大夜市行左陣, 我都冇買野食...

不過師大夜市又真係幾多野睇.....

最後11點幾就番酒店喇~~

係台北車站搵到我既星座簡介~~

第一日去既地方雖然唔多...

但係我隻腳仔已經冇力喇~~ 早D抖抖啦!!

~第二日再黎過~