8月29日之給茄囡的信

My dearest茄囡,

自從你黎左我地個家庭之後, 帶比我同Tigger無窮既歡樂,

你開朗活潑既性格, 燦爛如花既笑容, 都深深咁吸引我!

回想起呢一年既相處, 每朝我當我一睜開眼,

第一個都係見到你, 而你亦會隨即比我一個早晨之吻~

當我喺廁所, 廚房時, 你都會默默咁喺門口守候住我!

當我放工返到黎時, 你就會超興奮咁不停地撲向我,

興奮程度絕對唔會比啪左丸既人遜色,

再而就係又要黎一個回家之吻!

當我專注於電視上時, 你會走過黎撒嬌,

要我摸你, 錫你, 攬你!

家下你亦都曉自動自覺咁入返籠度屙臭臭, 唔會再四圍賴,

真係令我老懷欣慰~

以上你既一舉一動, 都睇得出你對我既愛!

茄囡, 我答應你我會繼續好好咁照顧你, 愛你, 直到永遠!!!

但係................ 之但係..............

 你可唔可以唔好再咬我D野呀?

點解你要吼我沖涼時咬爛我對鞋呀?

Why?  Why?  Why?

拜託你啦.... 茄大人.... 我唔想我地個廳要淪落到空無一物既情況呀......

                                                                                                   愛你的媽