4月21~第七天-天神

是日行程

最後一日~天神行街日

今朝一早起身, 本來預時間執行李, 點知執左唔係好耐就攪掂~

所以9點幾就出到天神, 周圍都未開門, 連食市都好多未開~ 冇咩選擇~

早餐只好再食多次蝦漢堡~ 不過都好好食~

主要都係o係地下街行下~

早出到去都好, 10點正~地下街嚮起鐘聲, 跟住8成以上舖頭一齊開卷閘~

長長o既地下街, 一齊開門, 場面何其壯觀~~

12點幾已經要返博多lu~~

博多jr站, 有間賣"迷你牛角包"的, 大家一定要試, 呢間鋪我食左兩次, 真係好好食~

你會見好多日本人買, 仲要買好多~ 買到要用大紙袋唻拎~

佢有三隻口味~ 我三隻都試過, 貴果兩隻有料的, 反而唔及最平,冇料果隻好食~

佢係你話佢知要邊款,要幾多個, 跟住佢用電子磅計幾錢的~

返酒店拎完野, 到機場 lu~~ 真係想玩多一兩個星期~

都係細機, 不過今次爆哂~ 有一班日本學生去香港旅行(應該係卦~)

好幾十人~ 點解我讀書果時, 去旅行只係去長洲~~

好掛住日本呀~~~~~