模型清倉中...

早幾日去左網友屋企參觀, 嘩! 不得了, 靚作品多到不得了, 返到屋企睇一睇... 自己模型櫃就有啦, 未砌o既模型都有啦, 但係就硬係爭咁一個step, 一個可以將佢地砌靚靚擺入櫃o既step... 不過, 諗深一層, 自己閒日返工少時間砌已經唔在講, 呢期又要返日文班, 又要學鼓, 仲有太極堂... 屋企咁多一盒盒未砌o既模型, 真係唔知要去到幾時先可以砌得完 (而且笨大仲不停出又靚又新o既模型添, UC 系列真係毒死我~~~!!!) , 於是我就諗: 自己砌唔到姐, 都希望第二個可以將佢砌出黎擺靚靚o既... 結果, 自上個禮拜開始就將 d 我覺得唔會有機會砌到o既模型擺上網賣啦...

遺照數張(希望你地有個好歸宿啦 XD)

個櫃已經飽和, 開始擺地下 & 搵位"zip"

經過一個禮拜o既努力....

咦!? 點解... 好似仲係咁滿咁o既 !? 其實都無左好多盒架啦, 而家所有模型都上晒架, 淨番o既大部份都係我想砌o既 或者係已經素組左o既模型...

(後話: NZ-666 刹帝利打開左Gundam UC 模型系列o既序幕, 睇黎, 個櫃好快就會打回原形! 講到尾, 其實只係將 d 舊模轉做新模罷!! )